තමා උදවු කළ දේශපාලනඥයකු පසුපස රැකියාවක් සොයා ගිය ඔහුට පසුගියදා රාජ්‍ය නොවන සංවිධානයක කම්කරු තනතුරක් ලැබිණ.
ඉතා කැපවීමෙන් මාසයක් සේවය කළ ඔහුට නිවාඩුවක් අවශ්‍ය වූයේ ඥාති දුවකගේ මංගල්‍යයකට යාමටය. අයදුම්පතක් දුන් ලිපිකරු මහත්මිය ඒ සඳහා ලොක්කාගේ අනුමැතිය අවශ්‍ය බව කීවාය. ඔහු එය රැගෙන තරමක බියෙන් ගොස් අයදුම්පත ලොක්කා අත තැබීය.
අයදුම්පත බැලූ ලොක්කා උපැස් යුවළ යටින් ඔහු දෙස බලා ”නම සිරිදාසනෙ” කීවේ උපහාසයෙනි. ”ඔව් සර්” ඔහු කීය. ”එතකොට සිරිදාසට බබා ලැබෙන්නේ කවදාද?” ඇසූයෙන් ඔහු තුෂ්ණිම්භූත විය. ”අයිසෙ, මේක ප‍්‍රසූත නිවාඩු ඉල්ලූම් පත‍්‍රයක්, සී.සී. නෝනට කියලා සාමාන්‍ය එකක් පුරවාගෙන එනවා” කීවෙන් ඔහුට තරු පෙනිණ. ඔහු කාමරයෙන් පිට වූයේ ”අනේ සර්, මේක කාටවත් කියන්න එපා.” කියා ගෙනලූ.