අන්තවාදි ත්‍රස්ත සැකයක් නිසා අනියම් භාර්යාවන් සොයාගිය තිදෙනකු ආරක්‍ෂක අංශවලට හසුවීමේ පුවතක් වෙන්නප්පුව සිරිගම්පල ප්‍රදේශයෙන් වාර්තා විය.

අන්තවාදී ත්‍රස්තයන් පිළිබඳව  අවධානයෙන් සිටින ලෙස ප්‍රදේශයේ ජනතාව දැනුම්වත් කර සිටීම නිසා ඉකුත් දිනෙක රාත්‍රියේ කළු ඇඳුමින් සැරසුණු තිදෙනෙක් සිරිගම්පල ජනපදයේ ස්ථාන 3ක සැකකටයුතු අන්දමින් ගැවසෙන බව ආරක්‍ෂක අංශවලට ලැබුණු දැනුම්දීමක් මත වහා පියවර ගැනීමට කටයුතු  කර තිබේ.

 විශාල ජනපදයක් වූ සිරිගම්පල ප්‍රදේශයේ ස්ථාන 3ක් ආවරණය වන පරිදි පොලිස් නිලධාරීන් යොදවා සිදු කරනු  ලැබූ  සෝදිසි මෙහෙයුමකදී තිදෙනකු සැකපිට අත්අඩංගුවට ගෙන ප්‍රශ්න  කිරිමේදී ඔවුන් සිය අනියම් භාර්යාවන් සොයා යාමේදි මෙලෙස ආරක්‍ෂක අංශවලට අසුවූ බව හෙළිවී තිබේ.

  ත්‍රස්ත ප්‍රහාරයට පෙරත් මෙම පුද්ගලයන් රාත්‍රී කාලයේ මෙලෙස අනියම් භාර්යාවන් සොයායන බවත් ත්‍රස්ත  ප්‍රහාරයෙන් පසුව ජනතාව අවධානයෙන් සිටීම නිසා මෙලෙස දැක ආරක්‍ෂක අංශවලට දැනුම් දී තිබේ. 
මෙවන් අවදානම් අවස්ථාවලදී හොර ගමන් නවතා නිවෙස්වලට වී සිටින ලෙස දැඩි  ලෙස අවවාද කර ඔවුන් මුදාහැර ඇත. 
(නයිනමඩම චන්දන ප්‍රනාන්දු)