ගිං ගඟ ආසන්නයේ පදිංචි පවුලක බාලම දරුවා පසුගියදා පෙර පාසලේ පැවැත්වෙන සිඟිති ප‍්‍රදර්ශනය සඳහා අලංකාරවත් මල් පොකුරක් සකස් කොට ගෙන එය පෙර පාසලට ගෙනයාම සඳහා පියාගේ යතුරුපැදියට නැග්ගේය.

මේ මල් පොකුර ගෙදරදී හදා තිබුණත් එම අපූරු නිර්මාණය තමා මීට පෙර නුදුටු නිසා පියා එය වඩාත් පරීක්‍ෂා කළෙන් ඔහුට තරු පෙනිණ. ඒ එය සකස් කර ඇත්තේ තමා අසල්වැසියන් සමග සූදු කෙළීමට ගෙනැවිත් සඟවා තිබූ බූරු කුට්ටමේ කොළ වලින් බව දැකීමෙනි.

මේක හැදුවේ කවුදැයි විමසූ විට පුතා කීවේ එය අම්මාගේ වැඩක් බවය. ඇය දිගින් දිගටම මේ සූදු කෙළියට විරුද්ධ බව සිහිපත් වූ ඔහු දරුවාට මේ ගැන කිසිවක් නොකියා පුතා පෙර පාසලට බාර දී කඩිනමින් ගෙදර ආවේ හොඳ අඩව්වක් අල්ලන්නටලූ.