(තිහගොඩ උපසේන ලියනගම)
මැතිවරණය සඳහා ගෙන්ගෙට යන කණ්ඩායමක් වයඹ පැත්තේ ගම්බද ගෙදරකට ගොඩවූයේ  ප‍්‍රචාරක පති‍්‍රකාද රැගෙනය. ගෙදර සිටියේ ඇවිද ගත නොහැකිවූ රෝගී  පියා සහ මැදවියේ වූ තනිකඩ දියණිය පමණකි.


පියාගේ අසරණකම දුටු මේ කණ්ඩායම ඒ පිළිබඳව දියණියගෙන් විමසා ප‍්‍රතිකාර ගැනද විමසීය. ඇය කීවේ වියපත් බව නිසා බෙහෙත් නොගන්නා බවය.
”ඒ වුණාට මේ ඡුන්දය හරියට වටිනවා. පයින් යන්න බැරිනම් වාහනයකින් යන්න. අපි උදව් කරන්නම්” ඔවුන් කී විට
”එතකොට තාත්තට හොඳටම සනීපවේවිද” ඇය ඇසුවේ කෝපයෙනි.


 එන හැඩ හොඳ නැති බව තේරුම් ගත් කණ්ඩායම් නායකයා ආපසු යාමට සුදානම් වූයේ තරමක තැතිගැන්මකිනි.


ඇය ගස්සාගෙන ගෙට ගිය අතර පියා කෙඳිරි ගෑවේ රෝගී තත්ත්වය  පෙන්වීමටය. ”අපට ඡන්දෙ දැම්මොත් තාත්තට කොහොම වුණත් රටට නම් සනීපයක් වේවි” ඇයට ඇසෙන නෑසෙන ගානට කණ්ඩායමේ කිසිවකු කීවේ අන් අයගේ සිනා මැදලූ.