2025 මැයි මස 04 වන ඉරිදා
ඇය පාසල් ගුරුවරියක් වූ අතර අ.පො.ස (උ.පෙ) ලියා අවසන් වූ තම පුතා සමග නිවසේ ග්‍රොසරියක්ද පවත්වාගෙන ගියාය. ග්‍රොසරියේ සේවය කිරීම සඳහා හැටන් ප‍්‍රදේශයෙන් පැමිණි තරුණයෙක්ද විය. දිනක් සවස තම මව ඇමතූ පුතා ”අම්මේ අද මට උණ වගේ” යැයි පැවසීය. මව වහාම තම පුතා වෛද්‍යවරයකුට පෙන්වා බෙහෙත් ගෙනාවාය.
පාසැලට යායුතු නිසා පසුදින උදෙන්ම අවදිවූ මව උණෙන් පෙළෙන තම පුතාට බීමට ලූණු කැඳ සාදා දිවා ආහාරය සඳහා ඔහුට වැටකොළු මාළුවක් සමඟ බත්ද පිළියෙළ කළාය. පසුව ග්‍රොසරියේ සේවය කරන තරුණයාට කථා කොට ”රාජු මතක් කරලා පුතාට බොන්න ලූණු කැඳ දෙන්න. දවල්ට වැටකොළු එක්ක බත් දෙන්න” යැයි පැවසුවාය. ”හරි හරි මිස් කන්න බැහැ කීවොත් මම කවන්නම්කෝ” තරුණයා සිනා සෙමින් කීය.
පාසල නිමාවී ගුරුවරිය යුහුසුළුව නිවෙසට පැමිණියේ පුතාගේ අසනීප තත්ත්වය විමසා බැලීමටය. පුතා ඇදේ හාන්සිවී සිටිනු දක්නට ලැබුණි. පුතාගේ නළලට අත තැබූ මව, ”පුතා දැන් උණ බැහැලද? ලූණු කැඳ බිව්වද? වැටකොළු එක්ක බත් කෑවාදැ’යි විමසුවාය.
”අම්මේ අද මට කවදාවත් කාපු නැති ‘රෙසිපි’ එකක් ලැබුණා. පුතා පැවසීය. ”ඒ මොකක්ද මේ උණ අස්සේ පුතා වෙන මොනවාහරි කෑවාදැයි මව පුදුමයෙන් විමසූ විට පුතා පැවසුවේ රාජු ලූණු කැඳවලට වැටකොළු මාළුව දමා කෑමට දුන් බවත් තමා එය ප‍්‍රතික්‍ෂේප කළවිට ,”නැහැ නැහැ මිස් කීවේ මට ඔහොම තමයි” කියමින් ලූණු කැඳ සමඟ වැටකොළු කවන ලද බවත් තමා ඉතා අපහසුවෙන් ඒවා කෑ බවත්ය.
නිවසට සිඟමනේ පැමිණි කතකට පුතා උදව් උපකාර කළ අයුරු දැක මවුපිය දෙදෙනා නට්ටම් වූ පුවතක් කලාවැව අසල ගම්මානයකින් අසන්නට ලැබෙයි.
මුහුදු මාළු ගැනීමට ගොස් අනුන්ට පේන්නට ප්‍රදර්ශනය කළ තම ‘‘මහන්තත්තකම” බිංදුවට වැටුණු උඩඟු කාන්තාවක පිළිබඳ අපූරු කතාවක් කැබිතිගොල්ලෑව සතිපොළ ප්‍ර
අලු‍ත් අවුරුදු උත්සවයක් සදහා ලිස්සන ගසේ නැගීමේ තරගය සඳහා අනුග්‍රාහක ත්‍යාග මුදලක් ලබා දීමට පොරොන්දු වී එයින් ලිස්සා යෑමේ පුවතක් මහනුවරට නුදුරු ප්‍රද
සැඟවුණු අමුත්තා සැඟවී සිටින තැන් සැඟවුණු භාෂාවෙන් නිවේදකයා යකඩ කටින් කියද්දී අවුරුදු උත්සවය නරඹන්නන්ට සැඟවී සිටීමට සිදුවූ අපූරු ගාලු දිසාවේ ගමකින
අවුරුද්දට මුල් නිවසට පැමිණි දරුවන් දෙදෙනකුට තම නිවෙස්වල යතුරු මාරු කරගෙන යාම නිසා සිදු වූ අලකලංචියක් පිළිබඳව පුවතක් දකුණ හා රජරට පළාත් අතරින් අසන්නට
අවුරුදු උත්සවයේ සැඟවුණ අමුත්තා ලෙසින් සිදු වූ වැරදීමකින් සැඟවුණ අමුත්තාට ලැබුණු අපුරු ත්‍යාගයක් පිළිබඳව බස්නාහිර පළාතේ එක්තරා ගමකින් අසන්නට ලැබුණි
2025 අප්‍රේල් මස 29
614
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
155
0
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
2025 අප්‍රේල් මස 18
1181
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
උණ ලෙඩාට ජීවිතේ කිසිදා නොකෑ කෑමක් දීලා
හේරත් Wednesday, 31 July 2013 09:41 AM
ඕවත් වැඩද? මගේ නැන්දා (86). බත් කනකොට මාළු කටු කෑල්ලක් උගුරේ හිරවෙලා. ලොකු නෑනා (50) නංගිට කතා කරලා ඇහුවලු මොකද කරන්නේ කියලා. ඉදුණු කෙසෙල් ගෙඩියක් කන්න දෙන්න කටුව ඒකේ ඇනිලා යයි කිව්වලු. ටෙලිෆෝනයෙන් ඇහෙනවා " අනේ දුවේ මාව මැරේවි එකපාරට ඔහොම කෙසෙල් උගුරේ එබුවම". අක්කා අම්මගේ කට ඇරලා කටුව මේ හරියේද අසමින් කෙසෙල් ගෙඩියම කටේ ඔබලා...තව ඩින්ගෙන් නැන්දා ඉවරයි. (නි)
කුමාරිහාමි Wednesday, 31 July 2013 03:09 PM
රජයේ සේවිකාවකට ව්‍යාපාර කිරීමට ආයතන සංග්‍රහයෙන් තහනම් කර ඇත. ග්‍රොසරියක් පවත්වාගෙන යාම ගුරුතුමියගේ ඔසරියද නැතිවෙන වැඩකි. (නි)
අකිල Tuesday, 30 July 2013 08:22 PM
ඇයි අපේ අල්ලපු ගෙදර ඉන්න ඇන්ටි වැඩකරන සේවකයාට කියලා ගියා බතුයි වතුරයි දෙන්න කියලා දවල්ට. එයා මොකද දන්නවද කළේ, බතුයි වතුරයි කෑම කන භාජනයට දාලා දීලා. (නි)
ගාමිණී-සිරි Tuesday, 30 July 2013 02:32 PM
රාජුවාගේ නියම රසම් එක. උන කෙසේ වෙතත් , කැඳ ටික නම් අගේට බඩට බහින්න ඇති ! (දී)
පිටිගල Tuesday, 30 July 2013 09:35 PM
ඉතින්? ඉතින්? එච්චරද? (අ)
ෂෙරිෆ් Tuesday, 30 July 2013 10:17 PM
ලෙඩා ඉක්මන් සුවය පතමි. ගොඩක් කාලෙකට පස්සේ එළවලු එක්ක බත් කන අය ගැන අහන්න ලැබුනේ. නැත්නම් දන්නවනේ ලෙඩාට මස් කටු ටිකක් දාලා සුප් හදලනේ දෙන්නේ. (නි)
දයා අළහකෝන් Tuesday, 30 July 2013 10:58 AM
කොහොමත් එකයි. දෙකම බඩටනේ ගියේ (නි)
සරත් Tuesday, 30 July 2013 11:47 AM
උන තියෙන විට දෙජාතියක් එකම විට කන එක කොහොමත් ලෙහෙසියි. (ස)
බණ්ඩාර Tuesday, 30 July 2013 04:06 PM
වරුණ අයිත් පටන්ගත්ත මෝඩ කතා කියන්න. ලුණු කැඳ ඕනද? (ස)
ශාන් Tuesday, 30 July 2013 12:04 PM
වෙන වෙනම කෑවත් බඩේදි මිශ්‍ර වෙනවනේ.(ස)
පෙරේරා Tuesday, 30 July 2013 12:13 PM
අනේ ඉතින් රාජු, වැඩි හොදටනේ එහෙම කරලා තියෙන්නෙ. (නි)
බමුණු Tuesday, 30 July 2013 04:29 PM
මට මතක් වෙන්නේ එච් ඩ් විජේදාස මහතාගේ විහිළු තහළු. නෝනා බංගලාවේ වැඩට ආපු ආයා ට කී වලු බේබිට බටර් ගාල පාන් දෙන්න කියල ආයා බේබිගේ ඇඟ පුරාම බටර් ගාල පාන් පෙත්තක් අතට දීල (දී)
ගයාන් Wednesday, 31 July 2013 06:33 AM
විස්තර සහිතව හරියට කියලා ගියා නම් ඉවරනේ (නි)
උපාලි Wednesday, 31 July 2013 07:04 AM
මේ ග්‍රොසරියේ පොඩි පොඩි ලෙඩවලට දෙන බෙහෙත් පෙති, එතකොට ගෙදර දොරේ පාවිච්චි වෙන දේවල් එහෙම ඇති නේද? උදාහරණයක් හැටියට ගත්තොත් පැනඩෝල්, මී පාසානම් වගේ ඒවා? (නි)
වරුණ Tuesday, 30 July 2013 12:56 PM
කොහොමද ටිකිරි මොලේ?(අ)