IMG-LOGO

අත දරුවාත් බිරියත් රැගෙන බාර් එකට ඇවිත්

 තරුණ ව්‍යාපාරිකයාගේ ජීවන රටාව හිටි හැටියේම වෙනස්වන්නට විය. වෙනදාට නගරයේ කෙරෙන ව්‍යාපාරික කටයුතු අඳුර වැටෙන්නට පෙර අහවර කොට නිවසට පැමිණීම පුරුද්දක් කරගත් ව්‍යාපාරිකයා මාස 3-4 සිට නිවසට පැමිණෙන්නට වූයේ රාත්‍රී දහයේ කණිසමත් පසුවූ විටය.


 තිදරු මවක වූ ව්‍යාපාරිකයාගේ බිරියට මේ වෙනස්වීම ප්‍රහේළිකාවක් විය. පසුව බිරිය මේ පිළිබඳව විපරම් කර බලන්නට විය. වැඩි දිනක් යන්නට මත්තෙන් සැමියාගේ ප්‍රමාදය සොයා ගන්නට නිවසට කොටුවී සිටි බිරියට හැකිවිය. සැමියාගේ මේ ක්‍රියා කලාපයට නැවතීමේ තිත තබන්නට තීරණය කළ බිරිය දිනක් රාත්‍රී 8.30 පමණ වැඩිමහල් දරුවන් දෙදෙනාට රූපවාහිනිය නරඹන්නට සලස්වා මාස තුනක් පමණ වූ අත දරුවා රැගෙන ත්‍රිරෝද රථයකින් ගොස් කෙලින්ම නතර වූයේ නගරයේ ප්‍රසිද්ධ  අවන්හලක් තුළය. 


බිරියට  ලැබුණු ඔත්තුව හරියටම හරිය. මිතුරන් කිහිප දෙනෙකු සමග ව්‍යාපාරික සැමියා මධු විතෙන් පදම් වෙමින් සිටියේය.


බිරිය අත දරුවා සමග ගොස් කෙලින්ම සිට ගත්තේ සැමියා අසලය. මත්පැන් වීදුරුව අත දරාගෙන සිටි සැමියාට බිරිය දුටු ගමන් හීන් දාඩිය දමමින් නැගිට්ට වුණේ ඉබේටමය. කෙලින් සිටගන්නට බැරිව සිටි සැමියා  අත තිබූ වීදුරුව වෙව්ලන්නට විය.


 මිතුරන් දෙසවත් නොබලා හෙමින් සිරුවේ ගොස් ත්‍රිරෝද රථයට නැගුණු ව්‍යාපාරික සැමියා සුවච කීකරු ගෝලයකු ලෙස නිවසට පැමිණියේ සුපුරුදු ජීවිතයට නැවතීමේ තිත තබමිනි.  

(මඩුල්ල සේනක බණ්ඩාර සහ මොනරාගල අතිරේක කේ.එම්.පී. බණ්ඩාර)



අදහස් (0)

අත දරුවාත් බිරියත් රැගෙන බාර් එකට ඇවිත්

චින්තක Tuesday, 10 January 2017 08:04 AM

මාස 3-4 ක් යනකම් මධුවිතේ ගඳවත් මේ බිරිඳට දැනුනේ නැද්ද? (නි)

:       0       0

මලික් Thursday, 12 January 2017 09:22 PM

දරුවාට යමක් කමක් තවම නොතේරෙන එක හොඳයි

:       0       0

ඉන්ද්‍රා Tuesday, 10 January 2017 10:49 AM

බිරිඳ හොඳ ඉවසීමෙන් වැඩකළ නිසා බේරුනා (නි)

:       0       0

එඩ්වඩ් Tuesday, 10 January 2017 11:58 PM

බිරිඳට ගරුකරන හොඳ සැමියෙක් (නි)

:       0       0

සෝමරත්න Wednesday, 11 January 2017 03:36 AM

මේවා බොරු රඟපෑම්. කොච්චර බිවුවත් යටිහිත සීරුවෙන්. මැරෙන්න තියන බය තියනවා. යටිහිත අවදියෙන්. හොඳටම බිවුවොත් සිහිය නැතුව වැටෙනවා. බීලා කරන්නේ යටිහිතේ තියන අදහස්. වීරෝයෝ වෙන්නේ බිවුවම. මේ කතාවේ ස්වාමියා ගොඩක් හොඳයි. එමනිසා බිරිය සමඟ ගෙදර ගියේ. (නි)

:       0       0

ලක්ෂි Tuesday, 10 January 2017 06:26 AM

සුවච කීකරු ස්වාමි පුරුෂයෙකු නිසා මේ වැඩේ ගොඩින් බේරුනා,නමුත් පිරිමි බොනතැන්වලට බලෙන් කඩාවදින්න එපා. එ් වෙලාවට ඹවුන් ඉන්නෙ හරි සිහිකල්පනාවෙන් නොවේ. (බ)

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 372 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 533 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 223 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site