IMG-LOGO

පොලිස් නෝනකුගෙන් ගානක් කැපූ රියැදුරුට ඇඬෙන්නම පාඩමක් කියා දීලා

රජ්ගම විශේෂ  - ධර්මදාස සිරිවර්ධන.
දකුණේ නගරයක ත්‍රිරෝද රථ රියැදුරකු මෝටර් රථ අංශයේ ලොක්කෙකුගේ බිරියගෙන් ගමන් ගාස්තුව මෙන් දෙගුණයක් අයකර පසුව ඇය පොලිස් ලොක්කාගේ  බිරිය බව දැන සමාව ගැනීමට පොලීසියට පැමිණි විට මතක හිටින පාඩමක් කියා දී ආපසු යැවීමේ පුවතක් පිළිබඳව වාර්තා වේ.


 වාර්තා වන අන්දමට සිද්ධිය මෙසේය.  පොලිස් ලොක්කාගේ බිරිය දරුවා පාසලට යැවීමට ප්‍රමාද වූ බැවින් පා ගමනින් යා යුතු දුර යාමට ත්‍රිරෝද රථයකට නැග අසල තිබූ විදුහලට දරුවා බාරදී එම ත්‍රිරෝද රථයේම නැග ආපසු නගරයට පැමිණි විට රියැදුරු තැන හිරිකිතයක් නොමැතිව යාමට රුපියල් 150 ක් හා ඒමට  රුපියල් 150ක් වශයෙන් රුපියල් 300ක් ඉල්ලා සිටියේය. 


ඒ ගැන කතා කිරීමට ගිය විට සද්දයක් ද දැමූ බැවින් ඇය නිහඬවම එය ගෙවා දමා නිවෙසට පැමිණ තම සැමියාට සිද්ධිය දැන්වූයේ මෙවැනි අසාධාරණ නොවිය යුතු බවද පවසමිනි. කෙසේ වුවද සැමියා නිකමට මෙන් මේ පුද්ගලයා කවුරුන්දැයි සොයා බැලු‍වේ මෙවන් වැඩ නොකරන ලෙස උපදෙස් දීමටය. 


මේ ගැන දැනගත් ත්‍රිරෝද රියදුරු දෙලොව රත්වී පොලීසියට පැමිණියේ සමාව ගැනීමටය. පොලිස් නිලධාරියා ඔහුට පැය බාගයක පමණ දේශනයක් දුන්නේ මතක හිටින අයුරිණි. මට නම් ප්‍රශ්නයක් නෑ. අහිංසක මිනිසුන්ට එහෙම කරන්න එපා. සාප වෙනවා. ඒ අය තුට්ටු දෙකක් හොයාගන්නෙ බොහොම අමාරුවෙන්. අපි කවදාවත් ත්‍රිරෝද රථවල නොමිලේ යන පොලිස්කාරයො නෙවෙයි. අපේ දෑත් පිරිසුදුයි. මගෙන් සමාව ගන්න එපා.

මෙච්චර කල් ඔය වගේ අසාධාරණකම් කරපු අහිංසක මිනිස්සුන්ගෙන් සමාව ගන්නවා. තමා මේ ලෝකෙට බිහිකළ මෑණියන්ට පව් සිදුවෙන වැඩ කරන්න එපා. මම දන්නව මේ වගේ අසාධාරණකම් කරන තව අය ඉන්නවා. ඒ අය ගැන මිනිස්සු අපට කියනවා. අසාධාරණ විදියට හම්බ කරල දරුවන්ට කන්න දෙන්න එපා. යැයි දුන් අවවාද හමුවේ ඔහු කඳුළු සලමින් පොලිසියෙන් පිටවිය.


 ඒ සිද්ධිය දෙස  අවධානයෙන් බලා සිටි පොලිසියේ නිලධාරියකු පැවසූයේ හැදෙනවා නම් ඔහුට දිය යුතු උපරිම දඬුවම ලබාදුන් බවයි.



අදහස් (1)

පොලිස් නෝනකුගෙන් ගානක් කැපූ රියැදුරුට ඇඬෙන්නම පාඩමක් කියා දීලා

fairoos Wednesday, 07 April 2021 07:14 AM

මෙයා පොලිස් ලොක්කගේ නෝනා කියලා දැනගෙනම තමයි ඕක කරලා තියෙන්න ඕනේ. පොලිසියේ අය කන ජරාවට වඩා මේක හොඳයි. මේ වගේ නිලධාරීන් 100ට එකයි ඉන්නේ.

:       2       27

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 52 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 448 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 887 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site