යෝගා කලෙකදී මෙරට ඉතා ජනප්‍රිය මාතෘකාවකි. සැබැවින්ම  යෝගා යනු සුවිශේෂී ව්‍යායාම් වර්ගයකි. මුළු සිරුරම ආවරණය වන පරිදි මාංශ පේශී සියල්ලටම යෝග ව්‍යායාමය ලබා දිය හැකියි.ලෙඩ රෝග ගණනාවකින් ආරක්ෂා වීමටත්, නිරෝගීව ජීවත් වීම උදෙසාත් නිවැරැදි යෝග ව්‍යායාම්හි නිරත වීම වැදගත් වේ. යෝග කිරීමෙන් සිරුරට පහත සඳහන් වාසි සැලසේ.

1)  ශරීරයේ නම්‍යතාව රැක ගැනීමට ඉවහල් වේ.

2)  මාංශ පේශිවල ක්‍රියාකාරීත්වය වැඩි දියුණු කිරීමට ඒවායෙහි ශක්තිමත් භාවය ඇති කිරීම උදෙසා වැදගත් වේ.

3)  සෑම මස්පිඩුවකටම යෝග ව්‍යායාමය ලැබෙන නිසා ශරීර සමබරතාව සේම ශරීරයේ බර මනාව පවත්වා ගෙන යාමට පහසු වේ.

4)  හෘද පේශීන් චලනය වීම තුළ මනා රුධිර සංසරණයක් ඇති වේ.

5)  සිරුර ඉහිල් කරයි.

හුස්ම ගැනීමේ රටාව දියුණු කරමින් ස්නායු පද්ධතියේ ක්‍රියාකාරීත්වය දියුණු කරයි.

6)  මානසික සහ ආධ්‍යාත්මික සංවර්ධනයට මඟ විවර වේ.

මානසික ආතතියට තුඩු දෙන කලකිරීම්, කනගාටුව, කෝපය, බිය, ආශාව යන හැඟීම් පාලනය කර ගැනීමට උදවු දේ. ආත්ම විශ්වාසය ඉහළ නැංවීම තුළ ආතතිකාරී හැඟීම් දුරුවී යයි.

7)  රෝගවලට එරෙහිව සටන් කිරීමේ හැකියාව ඇත. ඒ වගේම හදිසි අනතුරුවලට ලක් නොවී ආරක්ෂා වීමේ හැකියාවද ඇති වේ.

ප්‍රබෝධවත්ව දවස ඇරැඹීමට ඔබගේ දෛනික කාලසටහනෙන් කුඩා හෝ ඉඩක් යෝග සඳහා වෙන් කර ගැනීම වැදගත් වේ.

-සටහන- මාධවී ධර්මරත්න