(දයාරත්න ඇඹෝගම)

උතුරු මැද පළාත්  ප්‍රධාන අමාත්‍යාංශයේ ගිණුම් අංශයේ සේවය කළ නිලධාරිණියකට කොරෝනා රෝගය වැළදිමේ හේත්වෙන් එම ගිණුම් අංශය සහ ආයතන අංශය සම්පුර්ණයෙන් වසා දමා එහි සේවය කළ නිලධාරින් හා සේවකයන් පනස් දෙනෙකු සිය නිවෙස්වලම ස්වයං නිරෝධායනයට ලක්කොට තිබේ.

අනුරාධපුර මෛත්‍රිපාල සේනානායක උද්‍යානයේ පිහිටි ප්‍රධාන අමාත්‍යාංශය ඇතුළු අනෙකුත් අමාත්‍යාංවල සහ දෙපාර්තමේන්තුවල ගිණුම් අංශයේ සේවකයන් පමනක් සේවයේ යෙදවිමට වත්මන් තත්වය හමුවේ පියවර ගත්බව උතුරැ මැද ප්‍රධාන ලේකම් එච්.එම්.පී බණ්ඩාර මහතා මේ සම්බන්ධයෙන් අප කළ විමසුමේදි අද(31)දින පැවසිය.

මෙහිදී වැඩිදුරටත් අදහස් දැක්වූ ප්‍රධාන ලේකම්වරයා කියා සිටියේ වර්ෂ අවසානයේ ගිණුම් කටයුතු හා ඒ සම්බන්ධ රාජකාරිවල නිරත වන සේවක සේවිකාවන් හට දැඩි සෞඛ්‍ය මාර්ග උපදේශක මත රාජකාරි කටයුතු කිරීමට අවශ්‍ය කටයුතු සලසා ඇති බවයි.

පී.සී.ආර් පරීක්ෂණ වාර්තා අනුව ඉදිරි කටයුතු කිරීමට අවශ්‍ය පියවර ගන්නා බවද ප්‍රධාන ලේකම් වරයා මෙහිදි පැවසිය.