ශ්‍රී ලංකාවට පාකිස්තානයෙන් සහය දිගටම ලැබෙනු ඇති බවට පාකිස්තානු අගමැති රාජා පර්වේස් අෂ්රෆ් මහතා පැවසීය. අනාදිමත් කාලයක සිට ශ්‍රී ලංකාව පාකිස්තානය හොඳ මිතුරන් යයි ඔහු කීවේය. ඔහු මේ බව කියා ඇත්තේ ශ්‍රී ලංකා පාකිස්තාන මහකොමසාරිස් ජයලත් වීරක්කොඩි මහතා සමග ඉස්ලාමාබාද් නුවරදී පැවැති හමුවකදීය. ශ්‍රී ලංකාව හා පාකිිස්තානය අතර වෙළෙඳ සබඳතා තවදුරටත් වැඩිදියුණු කර ගැනීමට අවකාශ ඇති බව ද ඔහු කියා තිබේ. දෙරටේ රජයයන් හා විවිධ ආයතන අතර ද්විපාර්ශවික සබඳතා තවත් පුළුල් කැර ගැනීමේ අවශ්‍යතාව ද ඔහු පෙන්වා දී ඇත.