IMG-LOGO

2024 පෙබරවාරි මස 29 වන බ්‍රහස්පතින්දා


බිඳ වැටුණු කුඩා ව්‍යාපාර යළි අරඹන වැඩපිළිවෙළකට COSMI සමඟ LIRIDI මුලපුරයි

කොවිඩ් වසංගතය හේතුවෙන් අර්බුදයට ලක් වූ ක්ෂුද්‍ර ව්‍යවසායකයන්ට සහ ජීවනෝපාය මාර්ගයක් ලෙස  කුඩා ව්‍යාපාර පවත්වාගෙන යන  ව්‍යවසායකයන්ට යළිත් තම ව්‍යාපාරවලට යොමු කරවීමේ Back to Business  (ව්‍යාපාර පුනර්ජීව) වැඩ සටහන යටතේ  එම ව්‍යවසායකන්ට සහන පදනමක් මත අමුද්‍රව්‍ය සැපයීමේ වැඩපිළිවෙළක්  ක්ෂුද්‍ර , කුඩා සහ මධ්‍ය පරිමාණ කර්මාන්ත සම්මේලනය (COSMI)  ක්‍රියාත්මක කර ඇත. මෙම ව්‍යාපෘතිය මඟින්  කුඩා සහ සුළු පරිමාණ නිෂ්පාදකයන්ට තම නිෂ්පාදන දාමය තුළ අවශ්‍ය වන අමුද්‍රව්‍ය ණය සහන පදනමක් මත ලබා ගෙන අදාළ නිෂ්පාදන සිදු කොට අලෙවි කළ පසුව අමුද්‍රව්‍යවල මිල ගෙවීමට පහසුකම සැලසෙනු ඇත.

“දැන්  ගන්න – පසුව ගෙවන්න“ (Buy Now Pay later) සංකල්පය යටතේ ක්‍රියාත්මක  මෙම වැඩ සටහනට COSMI සමඟ අත්වැල් බැඳ ගත්තේ අමුද්‍රව්‍ය සඳහා ණය ලබා දීමේ පුරෝගාමී කාර්යයක් කරන ක්ෂුද්‍ර මූල්‍ය ආයතනයක් වන ලිරිදි ලංකා (LIRIDI Lanka) ආයතනයයි. මෙම අමුද්‍රව්‍ය සැපයුම් අවබෝධතා ගිවිසුම පසුගියදා දෙපාර්ශ්වය අතර හුවමාරු කර ගන්නා ලද අතර ණය ක්‍රමය ඉදිරියේදී ක්‍රියාත්මක වීමට නියමිතය.

  එම අවබෝධතා ගිවිසුමට අනුව  මෙම ප්‍රතිලාභය ක්ෂ්‍රදු කුඩා සහ මධ්‍ය පරිමාණ කර්මාන්ත සම්මේලනයේ  සාමාජිකත්වය දරන වානිජ මණ්ඩල සහ ව්‍යාපාර සංවිධනවල සාමාජිකත්වය දරන ව්‍යවසායකයන්ට ලබා ගත හැකි වන අතර එයින් මෙරට  කොවිඩ් වසංගත අභියෝහ හමුවේ තම ව්‍යාපාර බිඳ වැටී ඇති ක්ෂුදු සහ සුළු පරිමාණ ව්‍යවසායකයන් දහස් ගණනකට යළි ව්‍යාපාරවලට අවතීර්ණ වීමට අවස්ථාව සැලසෙයි.

මෙම අවබෝධතා ගිවිසුමට ක්ෂුද්‍ර, කුඩා සහ මධ්‍ය පරිමාණ කර්මාන්තකරුවන්ගේ සම්මේලනය වෙනුවෙන් එහි පාලක මණ්ඩලයේ සභාපති දේශබන්දු මැකී හෂීම්, එම සම්මේලනයේ අධ්‍යක්ෂ මණ්ඩල සභාපති නවාස් රාජබ්ඩීන්,  යන මහත්වරුන් අත්සන් තැබූ අතර ලිර්දි ලංකා සමාගම වෙනුවෙන් එහි නිර්මාතෘ කිරිල් මලූකා මහතාත් ශ්‍රි ලංකා කලමනාකාර මුදිත හෙට්ටිගම මහතාත් අත්සන් තැබූහ.

මෙම ව්‍යාපෘතිය යටතේ ප්‍රතිලාභය ලබන්නේ මිලියන 1.5ක් පමණ වන තම ජීවනෝපා මාර්ගය ලෙස කුඩා මට්ටමේ ව්‍යවසාය සිදු කරන ක්ෂුද්‍ර මට්ටමේ ව්‍යවසායකයන් බව COSMI ආයතනය පවසයි. ඔවුන් බොහෝමයක් ස්වයං රැකියාකරුවන් වන අතර ව්‍යාපාරයේ සේවකයන් වන්නේද ඔවුන්මයි. බොහෝ විට මෙම ඝනයට අයත් වන්නේ ව්‍යාපාරයේ සේවකයන් පහකට අඩු ව පවත්වාගෙන යන ව්‍යාපාරිකයන්ය.

 ජීවනෝපාය ලෙසින් ඉතා කුඩා ව්‍යාපාර කරගෙන යන ව්‍යවසායකයන්ට නවමු අත්දැකීමක් වෙන මෙම දැන් ගන්න- පසුව ගෙවන්න (Buy Now - Pay later) තේමාව යටතේ ලබා දෙන මෙම සුවිශේෂී සහනය පිළිබඳව අදහස් දැක්වූ මෙරට ප්‍රකට ව්‍යාපාර නායකයකු  මෙන්ම ක්ෂුද්‍ර කුඩා සහ මධ්‍ය පරිමාණ කර්මාන්ත සමමේලනයේ සභාපති නවාස් රාජබ්දීන් මහතා මෙරට බැංකු පද්ධතිය හරහා හෝ වෙනත් පහසුකම් මත ප්‍රතිලාබ නොලබන කුඩා මට්ටමේ ව්‍යවසායකයන්ට මේ මොහොතේ යළි තම ව්‍යාපාරයට අවතීර්ණ වීමට පවතින ප්‍රධානතම ගැටලුව ඔවුන්ගේ බිඳ වැටී ගිය ආර්ථික පසුබිම හමුවේ අමුද්‍රව්‍ය සඳහා අවශ්‍ය ප්‍රාග්ධනය සොයා ගැනීම බවත් මෙම ප්‍රශ්නයට තම සම්මේලනයට ලිරිදි ලංකා ආයතනය සමඟ එක්ව සාර්ථක විසඳුමක් ලබා දිමට මෙයින් හැකිවූ බවය.

“මේ මොහොතේ රටම පමණක් නොව මුළු ලොක්යේම ආර්ථිකය පවතින්නේ අභියෝගාත්මක මට්ටමක. එවැනි තත්වයක් හමුවේ ලොකුම පහරක් වදින පිරිසක් වන්නේ එදිනෙදා ජීවනෝපාය ලෙසින් තමන්ගේම කර්මාන්තයක් කරගෙන සිටින ක්ෂුද්‍ර මට්ටමේ ව්‍යවසායකයන්ට.ශ්‍රි ලංකාවේ එවැනි කුඩා ව්‍යාපාරවලින්  සියයට 70ක් පමණ මේ මොහොතේ පවතින්නේ අසාධ්‍යව එසේ නැතිනම් මිය යාමට ආසන්නව.   රජයකට වුණත් ඔවුන් වෙනුවෙන් තනිවම සහන, පහසුකම් සැලසීම අසීරු දෙයක්. අනෙක පසුගිය වසරේදි කොවිඩ් වසංගතය හේතුවෙන් ව්‍යාපාර අකර්මණ්‍ය වූ ව්‍යවසායකයන්ට රුපියල් බිලියන 60ක පමණ සහනයක් ලබා දීමට රජය කටයුතු කළත් මෙම සහනය බොහෝ විට ලැබුණේ බැංකු පද්ධතිය හරහායි. එම ප්‍රතිලාභය බැංකු සුරැකුම් , ඇපකර තැබිය හැකි වැඩිම ව්‍යසනයකට ලක්  වූ සංචාරක, හෝටල්, වැනි ක්ෂේත්‍රවල ව්‍යවසායකයන්ට සහනයක් වුණත් එවැනි වත්කම් නොමැති කුඩා පරිමාණයට මෙම සහනය ප්‍රායෝගිකව සාර්ථක විසඳුමක් වුණේ නෑ. නමුත් ඔවුන්ට මේ මොහොතේ පවතින මූලික ප්‍රශ්නයකට විසඳුමක් ලබා දී ඔවුන් යළි ආර්ථික ක්‍රියාවලියට දායකත්වයක් දෙන මට්ටමට පත් කිරීම රජයටත් රටටත් සහනයක්. ඒ අරමුණින් තමයි අප මෙම වැඩ සටහන ක්‍රියාත්මක කළේ. මම විශ්වාස කරන ආකාරයට මූලික අදියරේදීම අපට මෙම වැඩසටහනින් විශාල පිරිසකට සහනයක් ලබා දිය හැකියි. ඔවුන්ගේ ව්‍යාපාර යළි පණ ගැන්විය හැකියි. “ යනුවෙන් පැවසීය.

මෙහිදී ලිරිදි ලංකා ආයතනයේ නිර්මාතෘ කිරිල් මලූකා මහතා ද අදහස් දක්වමින් පවසා සිටියේ දැන් ව්‍යාපාරය කර  දැන් ගන්න - පසුව ගෙවන්න (Buy Now, Pay Later) සංකල්පය තම ක්ෂුද්‍ර මූල්‍ය පහසුකම් ලබා දෙන ආයතනයේ නිර්මාණශීලී කණ්ඩායම විසින් රටවල්  ගණනාවක සාරථකව ක්‍රියාත්මක වෙමින් පවතින සංකල්පයක් ශ්‍රි ලංකාවට හඳුන්වා දීමට කටයුතු කළ  බවය. එම රටවල ලැබූ සාර්ථක අත්දැකීම් මත එය ශ්‍රි ලංකාවටද හඳුන්වා දීමට කටයුතු කළ බව ඔහු තවදුරටත් පැවසීය.

“විශේෂයෙන් කුඩා සහ ක්ෂුද්‍ර පරිමාණ ව්‍යවසායකයන්ට තිරසාර ලෙස තම ව්‍යාපාර කටයුතු මෙහෙයවා ඔවුන්ගේ  ජීවන මට්ටම ගුණාත්මක අතින් ඉහළට  ඒම එහි අරමුණයි. එවැනි අරමුණකින් ක්‍රියාත්මක යන ලරිදි ආයතනයේ නිර්මාතෘවරයා ලෙස  කොස්මි ආයතනය සමඟ අත්වැල් බැඳගෙන මෙවැනි නව වැඩපිළිවෙළක් දියත් කිරීමට ලැබීම තමන් ලද විශිෂ්ඨ අවස්ථාවක් බව ඔහු සඳහන් කරයි. මලුකා මහතා පවසන්නේ ඉදිරි වසර 4ත් 5ත් තුළ මෙරට කුඩා පරිමාණ ව්‍යවසායකයන් ලක්ෂ ගණනකට අවස්ථා සලසා දිමට තම ආයතනය සූදානමින් සිටින බවයි.

මෙම අවබෝධතා ගිවිසුම අත්සන් කිරීමේ අවස්ථාවට සහභාගී වූ කොස්මි  පාලක මණ්ඩලයේ සභාපති මැකි හෂීම් මහතාද සඳහන් කළේ  අතේ මුදල් නොමැතිව ව්‍යාපාරය යළි ආරම්භ කිරීමට නොහැකිව අසරණව  සිටින කුඩා පරිමාණයේ ව්‍යවසායකයන්ට    මෙය විශාල අවසථාවක් බවයි. ඔවුන්ට අමුද්‍රව්‍ය ණය සහන ලබා ගෙන නිෂ්පාදන අලෙවි කිරීමෙන් පසුව  සති දෙකක් තුළ ජංගම දුරකථන ඇප් එකක් හරහා යළි එම මුදල් පියවීමේ හැකියාව පවතින අතර කිසිදු ඇපකරයකට ඔවුන්ට යටත් නොවීම සහ අධික පොලියක් ගෙවන්නට නොමැති වීම විශාල සහනයක් යයි සඳහන් කළේය.

මෙහිදී COSMI උප සභාපති කෞෂාල් රාජපක්ෂ මහතා අදහස් දක්වමින් මෙම නව්‍ය අත්වැල් බැඳ ගැනීමෙන් මෙරට කුඩා පරිමාණ ව්‍යවසායකන්ට සෘජුවම තම ව්‍යාපාරය ආරම්භ කිරීමෙට මෙතෙක් නොවූ විරු අවස්ථාවක් පෑදෙන බවය.

ආයතන ද්විත්වය අතර අවබෝධතා ගිවිසුම අත්සන් කිරීමේ අවස්ථාවට COSMI උපදේශකයකු ලෙස කටයුතු කරන සමන්ත අබේවික්‍රම මහතා, එහි ප්‍රධාන විධායක නිලූ රාජපක්ෂ මහත්මිය  සහ ලිර්දි ලංකා සමාගමේ ශ්‍රි ලංකා කළමනාකාර මුදිත හෙට්ටිගම මහතා ඇතුළු පිරිසක් සහභාගී වූහ.



අදහස් (0)

බිඳ වැටුණු කුඩා ව්‍යාපාර යළි අරඹන වැඩපිළිවෙළකට COSMI සමඟ LIRIDI මුලපුරයි

ඔබේ අදහස් එවන්න

ව්‍යාපාරික විත්ති

හම්බන්තොට ජාත්‍යන්තර වරායෙන් තෙල් විසිරීම පාලනය කිරීමේ පෙරහුරුවක්
2024 පෙබරවාරි මස 26 92 0

කිසියම් ලෙසකින් මුහුදට තෙල් ඉහිරීමේ ආපදාවක් ඇති වුවහොත් එය මැඩලවීම සඳහා තම හදිසි සේවාවන්හි පෙර සූදානම තවදුරටත් ශක්තිමත් කිරීමේ අටියෙන් විශේෂ පෙරහුර


ආර්ථික ස්ථාවරත්වය සමඟ Yamaha සහ AMW සුබවාදීඅපේක්ෂාවක
2024 පෙබරවාරි මස 23 78 0

Yamaha මෝටර්සයිකල්, සේවා සහ අමතර කොටස් සඳහා බලයලත් බෙදාහැරීමේ නියෝජිතායතනය වන ඇසෝසියේට් මෝටර්වේස් (පෞද්ගලික) සමාගම (AMW), ඔවුන්ගේ අලෙවි නියෝජිත හමුවක් පසුගි


Curtin Colombo සරසවියේ විවෘත දිනයේ දී ඉහළ පිළිගැනීමක්
2024 පෙබරවාරි මස 22 148 0

ලෝක ප්‍රකට ඕස්ට්‍රේලියානු Curtin සරසවියට අනුබද්ධ Curtin Colombo සරසවිය විසින් සංවිධානය කරන ලද විවෘත දිනය සඳහා සරසවි වරම් ලැබීමට බලාපොරොත්තුවෙන් සිටින බොහෝ සිසු ප


වර්ල්ඩ් ෆයිනෑන්ස් හි ‘ශ්‍රී ලංකාවේ හොඳම ජීවිත රක්ෂණ සමාගම’සෙලින්කෝ ලයිෆ්
2024 පෙබරවාරි මස 21 36 0

ලොව ප්‍රකට මූල්‍ය සඟරාවක් වන වර්ල්ඩ් ෆයිනෑන්ස් විසින් 2023 වසරේ ‘ශ්‍රී ලංකාවේ හොඳම ජීවිත රක්‍ෂණ සමාගම’ ලෙසට සෙලින්කෝ ලයිෆ් තෝරාගෙන ඇති අතර, එය අඛණ්ඩව 10 ව


Atlas වෙතින් නතර නොවී ලොව දිනන්න
2024 පෙබරවාරි මස 20 68 0

සතුටින් ඉගෙන ගනිමින් තමන්ගේ සිහින ළඟා කර ගැනීමට අවශ්‍ය යහපත් ඉගෙනුම් පරිසරයක් නිර්මාණය කිරීමට කැපවන Atlasව්‍යාපාරකරණයෙන් එහා ගිය සමාජීය මෙහෙවරකින් පරි


සම්මාන රැසක් දිනාගනිමින් Alumex ජයග්‍රාහි වසරක් අවසන් කරයි
2024 පෙබරවාරි මස 19 49 0

Alumexසමාගම සම්මාන 14කට අධික ගණනක් දිනා ගනිමින් 2023 වසර අතිසාර්ථක අන්දමින් අවසන් කළ අතර එම ජයග්‍රහණයන් ඔස්සේ මෙරට අපනයන ක්ෂේත්‍රය කෙරෙහි මෙන්ම එහි තිරසාරභා


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 409 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 348 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 336 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site