ඩිලිජන්ට් ගෲප් ශ්‍රී ලංකා සහ ඩිලිජන්ට් ටේ‍්‍රඩින් ඇන්ඞ් කන්ට‍්‍රක්ටින් කටාර් යන සමාගම්වල කළමනාකාර අධ්‍යක්ෂිකා නිශානි ජයසිංහ රණවීර මහත්මිය පසුගියදා මොරිෂස් දිවයිනේ, ලී මෙරිඩියන් හෝටලයේ පැවැති ලෝක නායකත්ව සමුළුවේදී ග්ලෝබල් ලීඩර්ෂිප් එක්සලන්ස් අවෝඩ්  සම්මානයෙන් පිදුම් ලැබුවාය.

ඩිලිජන්ට් ගෲප් හි සභාපති ප‍්‍රභාෂ් රණවීර මහතාද මේ අවස්ථාවට එක්විය.

වෘත්තියෙන් වරලත් ගණකාධිකාරිණියක් වන රණවීර මහත්මිය  ඕස්ටේ‍්‍රලියාවේ වෙස්ටන් සිඞ්නි විශ්වවිද්‍යාලයේ ව්‍යාපාර කලමනාකරණය පිළිබඳ පශ්චාත් උපාධිධාරිණියකි. ඇය සහතික ලත් කලමනාකරණ ගණකාධිකාරවරුන්ගේ ආයතන බි‍්‍රතාන්‍යයේ මූල්‍ය කලමනාකරුවන්ගේ ආයතනයේදී සම්මාන සාමාජිකාවකි.

ඩිලිජන්ට් ගෲප් සමූහ ව්‍යාපාරයේ කලමනාකාර අධ්‍යක්ෂකවරිය 2016 පෙබරවාරි මස ඉන්දියාවේ ටාජ් ලෑන්ඩ් එන්ඩ් හෝටලයේ පැවැති ජාත්‍යන්තර කාන්තා නායකත්ව සමුළුවේදී වර්ල්ඩ් වුමන් ලීඩර්ෂිප් ඇචීව්මන්ට්  සම්මානයෙන්ද පිදුම් ලැබීම විශේෂත්වයකි.

වෘත්තියෙන් ඉංජිනේරුවරයකු සහ ගණකාධිකාරීවරයකු වන ව්‍යාපාර කලමනාකරණය පිළිබඳ පශ්චාත් උපාධිධාරී ඩිලිජන්ට් ගෲප් සමූහ ව්‍යාපාරයේ සභාපති ප‍්‍රභාෂ් රණවීර සහ ඔහුගේ බිරිඳ වන නිශානි රණවීර මහත්මිය 2015 වසරේදී ඩිලිජන්ට් ආයතනය කුඩා පිරිවැටුමකින් ආරම්භ කළ අතර අද වනවිට ව්‍යාපාර අංශ 08ක් හරහා ව්‍යාප්තව ඇත. 

ඩිලිජන්ට් අද වනවිට සේවකයන් 300කට අධික ප‍්‍රමාණයක් සේවයේ නියුතු සමූහ ව්‍යාපාරයකි. ශ්‍රී ලංකාවේ ආර්ථික වර්ධනය උදෙසා දෙන දායකත්වය වෙනුවෙන් ඩිලිජන්ට් ගෲප්, ශ්‍රී ලංකා රජය විසින් එක්සලන්ස් අවෝඩ් 2014 සම්මානයෙන්ද පුදනු ලැබීය.