ෆේස්බුක් හිමිකරු ඇමෙරිකාවේ සෙනට් සභිකයන් හමුවෙයි

වොෂින්ටන්හිදීය/සැන් ෆ්‍රැන්සිස්කෝහිදීය (රොයිටර්)

ලොව ජනප්‍රියතම සමාජ ජාල වෙබ් අඩවිය ලෙස හැඳින්වෙන ෆේස්බුක් සමාජ ජාල වෙබ් අඩවියේ නිර්මාතෘ මාර්ක් සකර්බර්ග් අඟහරුවාදා (10) එක්සත් ජනපද සෙනට් සභිකයන් හමුවේ පෙනි සිටියේය.

ඇමෙරිකා එක්සත් ජනපද කොංග්‍රස් ‘ඇසීම්’ දෙකක් හමුවේ පෙනි සිටිමින් මාර්ක් සකර්බර්ග් සෙනට් සභිකයන්ගේ ප්‍රශ්නවලට පිළිතුරු දුන්නේය. ෆේස්බුක් සමාගමේ ප්‍රධාන විධායක නිලධාරියා ද වන මාර්ක් සකර්බර්ග් මෙහිදි පැය පහකට ආසන්න කාලයක් සෙනට් සභිකයන්ගේ ප්‍රශ්නවලට පිළිතුරු දුන් අතර ෆේස්බුක් සමාජ ජාල භාවිත කරන්නන්ගේ දත්ත පිටතට ලබාදීම, රුසියානු නියෝජිතයන්ට ඇමෙරිකා එක්සත් ජනපද ජනාධිපතිවරණයට මැදිහත් වීමට සැලැස්වීම යනාදි කරුණු සම්බන්ධයෙන් වගකීම බාරගත් අතර සමාව ද අයැද සිටියේය.

පසුගිය කාලයේදී ෆේස්බුක් සමාජ ජාල වෙබ් අඩවියට දැඩි ලෙස චෝදනා එල්ල විය. කේම්බ්‍රිජ් ඇනලිටිකා දේශපාලන උපදේශන සහ විශ්ලේෂණ සමාගමට ඇමෙරිකා ජාතිකයන් මිලියන 50කට ආසන්න සංඛ්‍යාවකගේ පෞද්ගලික දත්ත ලබාදීම, ෆේස්බුක් සමාජ ජාලය භාවිත කරන්නන්ගේ පෞද්ගලික දත්ත ආරක්ෂා නොකිරීම, වෛරී සහ අසත්‍ය ප්‍රකාශ පැතිර යෑම, රුසියා නියෝජිතයන් 2016 වසරේ පැවැති ඇමෙරිකා එක්සත් ජනපද ජනාධිපතිවරණයට මැදිහත් වීමට අවකාශ සැලැසීම යන චෝදනා රැසක්ම ඒ අතර විය.

තිස්තුන් වියේ පසුවන ලොව විශාලතම සමාජ මාධ්‍ය ජාලයේ හිමිකරු සහ අන්තර්ජාල ව්‍යාපාරිකයකු වන සකර්බර්ග් නිශ්චිත පොරොන්දු කිසිවක් නොදුන්නත් එක්සත් ජනපද සෙනට් සභාවේ වාණිජ සහ අධිකරණ කමිටු දෙක හමුවේ අදහස් දක්වමින් නියාමනය කිරීමේ අවශ්‍යතාව පිළිගත්තා පමණක් නොව ඊට එකඟත්වය ද පළ කළේය.

“මම මගේ කණ්ඩායම සමඟ සාකච්ඡා කරනවා. විවිධ අංශවලින් මම මේ ගැන සාකච්ඡා කරනවා. මම හිතනවා මේ සාකච්ඡාව විය යුතු දෙයක්” කියලා නියාමනය කළ යුතු සෙනට් සභිකයන් විමසූ අවස්ථාවේදී පිළිතුරු දෙමින් සකර්බර්ග් කීය.

සකර්බර්ග් සෙනට් සභිකයන් හමුවේ පිළිතුරු දුන් ආකාරය ආයෝජකයන්ගේ සතුටට හේතු වූ අතර වසර දෙකකට පසු ෆේස්බුක් සමාගම කොටස් වෙළෙඳපොළේ ඉහළම දෛනික ලාභය අත්පත් කරගනිමින් දිනය සියයට 4.5ක් ලෙස නිම කළේය.

ෆේස්බුක් සමාගම කේම්බ්‍රිජ් ඇනලිටිකා සමාගමට ෆේස්බුක් පරිශීලකයන්ගේ පෞද්ගලික දත්ත ලබාදුන් බවට චෝදනා එල්ල වීමත් සමඟ ෆේස්බුක් සමාගමේ කොටස් වේගයෙන් කඩා වැටුණු අතර සමාගමේ කොටස් වටිනාකමද පහත වැටිණි. ඇමෙරිකා ජාතිකයන් මිලියන 50

කට ආසන්න පිරිසකගේ පෞද්ගලික දත්ත මෙලෙස පිටතට ලබා දී ඇති මුලින් කියැවුණ ද නවතම වාර්තා අනුව එම සංඛ්‍යාව මිලියන 87ක් බව පැවසේ.

055

අදහස් (0)

ෆේස්බුක් හිමිකරු ඇමෙරිකාවේ සෙනට් සභිකයන් හමුවෙයි

ඔබේ අදහස් එවන්න

වැඩි දෙනා කියවූ පුවත්

පොලිස් පොඩ්ඩාට පෙනී සිටි ‍තාරක නීතිඥ සංගම් කමිටුවෙන් යයි

2025 ඔක්තෝබර් මස 19 12913 17

වාහන ආනයනයෙන් බස් 3,000ක් අනතුරේ

2025 ඔක්තෝබර් මස 24 9801 39

කෝටියක මාළු මා දැලක පැටලේ

2025 නොවැම්බර් මස 01 7022 3

කැළණිය විශ්වවිද්‍යාලයෙන් බෝතල් මූඩී බංකුවක් මරදානට

2025 නොවැම්බර් මස 05 6993 3

තෙල් - තේ ගිවිසුම කැඩුවාට ඉරානයට මිලියන 119ක් ගෙවයි

2025 නොවැම්බර් මස 06 6673 2

2025 නොවැම්බර් මස 04 362 0

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

2025 ඔක්තෝබර් මස 08 2160 0

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

2025 ඔක්තෝබර් මස 01 1639 0

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට