වයස අවුරුදු හතේ නිවුන් දරුවෝ දෙදෙනක් තමන්  පැහැරගෙන යමින් සිටි සොරෙකුට පහරදී බේරුණහ.

තමන් සොරාගේ ඇගඋඩ නැගගෙන ඔහුට පහර දුන්නේයැයිද කරදර උසුලාගත නොහැකිවූ ඔහු අවසානයේ මාර්ගය අයිනේ වාහනය නතර කර තමන්ට ඉන් බැස යන ලෙස කීවේ යැයිද බේරී පැමිණි දරුවෝ දෙදෙන දෙමාපියන් හා පැවැසූහ.

ඇමෙරිකාවේ පදිංචි මෙම දරුවන් දෙදෙනා හා ඔවුන්ගේ එක් අවුරුදු වියැති සොහොයුරා පල්ලියට යෑම සදහා තම පවුලට අයත් මෝටර් රථයේ අසුන්ගෙන සිටියදී එයට එක්වනම ගොඩවී ඇති සොරා මෝටර් රථය පදවාගෙන ගොස් ඇත.

දරුවන්ගේ දෙමව්පියන් මේ වෙද්දී සිට ඇත්තේ නිවසේ වන අතර ඔවුන් එළියට පැමිණි විට දැකගත හැකිව තිඛෙන්නේ දරුවන්ද සමග තමන්ගේ මෝටර් රථය වෙන කෙනෙකුන් පදවාගෙන යන අයුරුයි.වහාම පොලිසිය දැනුම්වත් කිරීමට ඔවුන් කටයුතු කර තිබේ.

මද වේලාවකට පසු ළමුන් තිදෙන නිරුපද්‍රිතව සොයාගැනීමට හැකිවුනේයැයි ඔවුනට ආරංචියක් ලැබී ඇත.

දරුවන් දෙදෙන වාහනයේ රියැදුරාට පහර දෙමින් යනු මගසිටියවුන්ද දැක ඇත.ඔවුන් සිතා ඇත්තේ රියැදුරා දරුවන්ගේ පවුලේ සාමාජිකයෙකු හෝ ඥාතියෙකු හෝ වන්නට ඇතැයි කියාය.

මේ දක්වා සොරාව සොයාගැනීමට හැකිව නොමැති අතර වැඩිදුර පරීක්ෂණ කි්‍රයාත්මකය.