මදුරුවන් මගින් පැතිර යන සිකා වෛරසය හේතුවෙන් ගෝලීය හදිසි තත්ත්වයක් ප්‍රකාශය කිරීමට සඳුදා රැස්වූ ලෝක සෞඛ්‍ය සංවිධානයේ නිලධාරීන් තීරණය කර ඇත.

ගැබිණි මව්වරුන්ට ආසාදනය වන සිකා වෛරසය හේතුවෙන් උපදින දරුවන් විකෘතිතා සහිත වූවන් වන බවත් බ්‍රසීලය ඇතුළු ඇමරිකා කලාපයේ රටවල් රැසක මේ වන විට මෙම වෛරසය දරුණු ලෙස පැතිර ඇති බවත් ලෝක සෞඛ්‍ය සංවිධානය පෙන්වා දෙයි.

වෛරසය පැතිරයන ප්‍රදේශවල සංචාරය කිරීමෙන් වළකින ලෙස ලෝක සෞඛ්‍ය සංවිධානයේ අධ්‍යක්ෂ ජනරාල් මාගරට් චෑන් පවසයි.

සීකා , එබෝලා තරම් භායනක වන බව ලෝක සෞඛ්‍ය සංවිධානය ප්‍රකාශ කරන අතර බ්‍රසීලයෙන් ආරම්භ වූ සීකා වෛරසය ඇමරිකාව, කැනඩාව ඇතුළු රටවල් 21 ක් පූරා පැතිර ගොස් ඇත.

සීකා වෛරසය ව්‍යාප්ත කරන “ඊඩිස්‌ ඊජිප්ටයි” සහ “ඊඩිස්‌ පිටියේටස්‌” යන මදුරු විශේෂයන් ලංකාවේ ද ජිවත්වන බැවින් සීකා ලංකාවේ ද පැතිර යෑමේ අවදානමක් ඇත.

කෙසේවෙතත් අදටත් සීකා වළක්වන්න 100% සාර්ථක ප්‍රතිකර්මයක් සොයාගෙන නොමැත.