ඇන්ටාක්ටිකාවේ පිහිටි හැලේ පර්යේෂණ මධ්‍යස්ථානයේ විදුලිය බිඳ වැටීමෙන් එහි සිටින විද්‍යාඥයන් 13 දෙනෙක් දැඩි පීඩා විඳති. ඇන්ටාක්ටිකාවේ උෂ්ණත්වය මේ දිනවල සෙල්සියස් අංශක සෘණ 55 දක්වා පහළ වැටී ඇත. මෑත ඉතිහාසයේ වාර්තාවූ අඩුම උෂ්ණත්වය මෙයයි. බ්‍රිතාන්‍ය ඇන්ටාක්ටික් පර්යේෂණ මධ්‍යස්ථානය පවසන්නේ තත්ත්වය නරක අතට හැරරෙමින් තිබෙන බවයි. කෙසේ වෙතත් කාලගුණය ද අයහපත් බැවින් මුදවාගැනීමේ මෙහෙයුමක් ක්‍රියාත්මක කිරීමට ද නොහැකි වී ඇත.

හිරවි සිටින විද්‍යාඥයන් අතර බ්‍රිතාන්‍ය ජාතිකයන් 10ක්, ස්කොට්,රොමේනියානු හා පොලිෂ් ජාතිකයන් එක් අයකු බැගින් සිටින සිටිති.

සතියක පමණ කාලයක සිට මෙලෙස විදුලිය බැඳ වැටිම් සිදුව ඇතැත් එවා පිළිසකර කැර නැත. යම් තරමකින් උණුසුම ඇති ගරාජයක විද්‍යාඥයන් පිරිස සේවකයන් සමග සිටින බව දැනගන්නට ඇත.

තමන් පත්ව ඇති ආපදා තත්ත්වය ගැන නොසළකා විද්‍යාඥයන් ප්‍රබෝධයෙන් හා උද්යෝගයකින් පසුවන බව ඔවුන් එවූ ට්විටර් පණිවිඩයක සටහන් වේ.

‘‘අප හොඳ සෞඛ්‍යෙයන් හා ආත්ම විශ්වාසයකින් පසුවෙනවා. එසේ ම මධ්‍යස්ථානය නැවත යථා තත්ත්වයට පත්කිරීමේ කටයුතුවල අවිවේකීව යෙදෙනවා. අපට අන්තර්ජාල පහසුකම් තිබෙනවා නම් තේ සහ ලොකු කේතලයක් හැර වෙන කිසිවක් අපට අවශ්‍ය නැහැ.“

විද්‍යාඥයන් පවසා ඇත්තේ මේ මධ්‍යස්ථානයේ තාක්ෂණික කටයුතු සම්බන්ධව ක්‍රියා කිරීමට කිසිවෙකුත් නැති බවයි. විද්‍යාඥයන්ට කිසිවක් කරකියාගත නොහැක. ඔවුන් කියා ඇත්තේ නටන වතුර කෝප්පයක් එළියට විසිකරන විට එය බිම පතිත වන්නේ අයිස් කුට්ටිබවට පත්වී බවයි.

බ්‍රිතාන්‍ය ඇන්ටාක්ටිකා මධ්‍යස්ථානය පවසන්නේ ඔවුන්ට ජීවිත අවධානමක් නොමැති බවයි. ග්‍රීස්ම සෘතුවේ ප්‍රයෝජනයට ගන්නා අමතර කාමර කිහිපයක් මේ මධ්‍යස්ථානය සතුව තිබේ. සාමාන්‍යයෙන් වසා දමා තිබෙන ඒවා ප්‍රයෝජනයට ගතහැකි තරම් උණුසුම්ව පවතී. ඉස්තරම් කාමර නොවූව ද ආරක්ෂා සහිත බවත් බ්‍රිතාන්‍යය පවසයි.

1950 වර්ෂයේ සිට ඇන්ටාක්ටිකාවේ පර්යේෂණ සඳහා මේ ස්ථානය ප්‍රයෝජනයට ගන්නා අතර මේ මධ්‍යස්ථානය ඉදිකැර ඇත්තේ වසර දෙකකට පෙරාතුවය.

antarctica (4) antarctica (2) antarctica (1)