මාස ගණනක් තිස්සේ පැතිර යමින් තිබෙන ලැව් ගිනි හේතුවෙන් ඕස්ට්රේලියාවේ දහස් ගණනක් පීඩාවට පත්ව මුහුදු වෙරළ වෙත ගොස් සිටිති.
මාරාන්තික අන්දමින් පැතිර යන ගිනිජාලා සංචාරකයන් අතර ප්රසිද්ධ ප්රදේශවල මෙන්ම ඇතැම් නගරවලට වේගයෙන් ව්යාප්ත වෙමින් පවතී.මල්ලකූට නමැති නගරයේ පමණක් 4,000කට වැඩි පිරිසක් සිර වී සිටින බවත් එම නගරයෙන් දිගින් දිගටම දුම් වළා නැගෙන බවත් වාර්තා විය.
විශේෂයෙන්ම ඕස්ට්රේලියාවේ ගිනිකොන දිග පෙදෙස්වල ලැව් ගිනි තත්ත්වය උග්ර අතට හැරී තිබේ.
කිලෝමීටර 200ක් දුරට වෙරළ තීරයේ මුහුදු බඩ ජනතාව භීතියට පත්ව මුහුද ආසන්නයට පැමිණි අතර ඇතැම් අය පොරෝනාවලින් සිය සිරුරු ආවරණය කරගෙන සිටියහ. ඇතැම් පිරිස් මුහුණ ආවරණය කරගෙන සිටියහ.
ඇතැම් පිරිස් අඳුරේ වුවද බෝට්ටුවට නැග මුහුද දෙසට ගමන් කළහ.
අද (31) දිනය ඕස්ට්රේලියාවේ පීඩාකාරීම නරකම දිනවලින් එකක් වන අතර ඇති වී තිබෙන තත්ත්වය හේතුවෙන් හමුදා යෙදවීමට එරට බලධාරීහු පියවර ගත්හ.
ගෙවුණු පැය 24ක මාරාන්තික බවත් එම කාලයේදී තිදෙනකු මියගිය බවත් තවත් පස්දෙනකු පිළිබඳ කිසිදු තොරතුරක් නොමැති බවත් වාර්තා විය. ඒ අනුව 12 දෙනෙකු මේ වන විට මරණයට පත්වී තිබේ.
නගර රැසක දේපළවලට හානි සිදු වී තිබිණි.මාර්ග රැසක් ද වසා දමා ඇති බව වාර්තා විය.
(ඒ.එෆ්.පී. ඇසුරිනි)
055 / 226
(ඡායාරූප - ඒ එෆ් පී ඇසුරිනි)
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 නිල් ග්රහලෝක ත්යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග්රහණය කිරීමට ශ්රී ලංකා ඉන්ෂුවරන්ස් පාපන්දු කණ්ඩායම සමත් විය. ශ්රී ලංකා ඉන්ෂුවරන
ලැව්ගින්නෙන් ඕස්ට්රේලියානුවෝ මුහුදු වෙරළේ කොටුවෙති