ඝාතනයට ලක් වූ ලිබියා නායක කර්නල් මුවම්මාර් ගඩාෆිට හිතවත් සටන්කාමීන් පිරිසක් අල්ලාගෙන සිටි බානි වලීඞ් නගරය සතියක් තිස්සේ දරුණු ගැටුම්වලින් පසු යළිත් තම ග‍්‍රහණයට නතු කර ගැනීමට ලිබියා රජයේ හමුදාව ඊයේ (25) සමත් විය. ගඩාෆි හිතවාදීන්ගෙන් නගරය මුදා ගැනීමට විශේෂ හමුදා මෙහෙයුමක් ආරම්භ කළ බවත්, හමුදාව ස්ථාන කිහිපයකින් නගරය වට කර පහර දුන් බවත් ලිබියා නව රජය පවසයි. බානි වලීඞ් නගරය මුදා ගැනීමේ මෙහෙයුමට හමුදාවට සම්බන්ධ නොවී තවමත් අවි අත දරා සිටින කැරැලිකරුවෝ ද එක්වූහ. එම කැරැලිකරුවෝ අවි අතට ගත්තේ ගඩාෆිට එරෙහිව සටන් වැදීමටය. රජයේ හමුදාව සහ කැරැලිකරුවන් එල්ල කළ ප‍්‍රහාර හමුවේ ගඩාෆි හිතවාදී සටන්කාමීන් 14 දෙනකු ජීවිතක්ෂයට පත් වූ බවත් කිහිප දෙනකු බේරී පළා ගිය බවත් විදෙස් පුවත් සේවා පවසයි. බානි වලීඞ් නගරය ගඩාෆිගේ අවසන් බළකොටුව ලෙස සැළකෙයි. ගඩාෆි හිතවාදීන් නගරය අත්පත් කර ගත්තේ ඉකුත් 18 වැනිදාය. එම අවස්ථාවේ බානි වලීඞ් නගර වැසියෝ නගරය අතහැර පළා ගියහ. ඉන්පසු ලිබියා රජයේ හමුදා සහ සටන්කාමීන් අතර අවි ගැටුම්වලින් ඊයේ වන තෙක් ම පැවැති අතර එයින් සිවිල් වැසියෝ 20 දෙනෙක් ජීවිතක්ෂයට පත් වූහ. තුවාල ලැබූ ගණණ 75 කි. ගඩාෆිගේ හිතවාදීන් බානි වලීඞ් නගරය අත්පත් කර ගත්තේ ගඩාෆි ඝාතනය වී වසරක් ගත වෙද්දීය. කැරැලිකරුවන් අතින් ගඩාෆි ඝාතනය වූයේ ඉකුත් වසරේ ඔන්තෝබර් 22 වැනිදාය. ඉකුත් ඉරිදා වන තෙක්ම දරුණු ගැටුම් පැවැතුණු අතර ලිබියා රජය පැවැසුවේ බානි වලීඞ් නගරයේ සිටින සටන්කාමීන් සමඟ සාකච්ඡා කර හට ගත් අර්බුදය සාමකාමීව විසඳා ගන්නා බවය. කෙසේ නමුත් එම සාකච්ඡා අසාර්ථක වූ අතර ලිබියා රජය හමුදා බළඇණි කිහිපයක් යවා බානි වලීඞ් සටන්කාමීන්ට පහර දී ඇත. නගරය මුදා ගැනීමේ පී‍්‍රතිය සමරන පිරිස්