IMG-LOGO

2025 ජුලි මස 15 වන අඟහරුවාදා


ලිබියාව දැන් නිදහස් රටක්:

වසර 42 ක් පුරා ලිබියාව පාලනය කළ කර්නල් ගඩාෆි ඝාතනය කිරීමෙන් පසු ලිබියානු අන්තර්වාර රජය ඊයේ (23) සිට සිය රට (ලිබියාව) නිදහස් වූ බව ප‍්‍රකාශයට පත් කිරීමට සූදානමින් සිටියේය.ගඩාෆි විරෝධී කැරැල්ල ඇරඹුණු බෙන්ගාසි නුවර සිට එය ප‍්‍රකාශයට පත් කිරීමට ලිබියානු අන්තර්වාර රජය සැලසුම් කර තිබූ අතර එය ඊයේ (23) පස්වරුවේ නිවේදනය කිරීමට නියමිතව තිබුණි.නිදහසේ ප‍්‍රකාශනය ලෙස එළි දැක්වෙන එම ප‍්‍රකාශනය ලිබියාව නව මඟකට යොමු කිරීමක් බවත්, එමෙන්ම ඉදිරි මාස අටේදී මැතිවරණ පැවැත්වීමට සූදානම් බවත් ලිබියා අන්තර්වාර රජයේ වැඩ බලන අගමැති මහමුද් ජිබ්රිල් කියා සිටී.එරට මහජන ජාතික සම්මේලනය සඳහා මැතිවරණයකින් නියෝජිතයන් පත් කර ගැනීමටත්, එමඟින් අන්තර්වාර රජයක් සහ නව අග‍්‍රාමාත්‍යවරයකු පත් කිරීමටත් නියමිතය. එම අන්තර්වාර රජය විසින් දින 60ක් තුළ නව ව්‍යවස්ථාවක් ද සකස් කිරීමෙන් පසු එම ව්‍යවස්ථාව ජනමත විචාරණයක් සඳහා යොමු කිරීම ජිබ්රිල් ප‍්‍රමුඛ වත්මන් අන්තර්වාර රජයේ පාලකයන්ගේ අරමුණ වී ඇත. එම නව ව්‍යවස්ථාව අනුමත වී මාස හයක් ඇතුළත ලිබියාවේ මහ මැතිවරණය පැවැත්වීමට ද නව පාලකයින් සැලසුම් කර ඇත.කර්නල් ගඩාෆිගේ මරණයත් සමග මාස හයකට ආසන්න කාලයක් තිස්සේ ගඩාෆි පාලනය බිඳ හෙලීමටත්, ලිබියානු ජනතාව ආරක්ෂා කර ගැනීමටත් සක‍්‍රීය දායකත්වය දැක්වූ නේටෝ සංවිධානයද එරට තුළ පවත්වාගෙන ගිය සිය මෙහෙයුම් කටයුතු අවසන් කිරීම කෙරෙහි අවධානය යොමු කර තිබේ.ඒ අනුව මේ මස 31 වැනිදා සිට ලිබියාවේ මෙහෙයුම් කිරීම සම්පූර්ණයෙන්ම නතර කරන බව නේටෝ සංවිධානය අවධාරණය කර සිටී.



අදහස් (1)

ලිබියාව දැන් නිදහස් රටක්:

ඩී එස් කේ ජයනායක Tuesday, 20 April 2021 02:19 AM

ගඩාෆි සිය රටේ ජනතාවට එපා වුණු හේතුව කුමක්ද? ඒ පිළිබද විස්තරයක් අන්තර්ජාලයෙන් ලබා ගන්නට සලවන්නේ නම් අගය කළහැක .

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

පාසල් දරුවන්ට හිස්වැසුම් බෙදා දීම 2025 ජුලි මස 14 137 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 78 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 449 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

Our Group Site