මතභේදාත්මක ලෙස කාෂ්මීර ප්‍රාන්තයේ දිගින් දිගටම ඇඳිරි නීතිය පනවා තිබීම හේතුවෙන් සහ ඉන්දියාවේ නව පුරවැසි නීතිය හේතුවෙන් මිලියන ගණනක් මුස්ලිම්වරුන් ඉන්දියාවෙන් පලා යනු ඇතැයි පකිස්ථාන අග්‍රාමාත්‍ය ඉම්රාන් ඛාන් මහතා පවසයි.
 
ජිනීවාහි සරණාගතයින් පිළිබඳ ගෝලීය සංසදය අමතමින්  ඉම්රාන් ඛාන් එසේ පවසා ඇත.
 
 "මෙය හුදෙක් සරණාගත අර්බුදයක් පමණක් නොව න්‍යෂ්ටික අවි වලින් සන්නද්ධ රටවල් දෙකක් අතර ගැටුමකට ද තුඩු දෙනු ඇතැයි අපි බිය වෙමු" යනුවෙන් පකිස්ථාන අගමැතිවරයා පවසයි.

සරණාගතයින් සඳහා තවදුරටත් නවාතැන් දීමට පකිස්ථානයට නොහැකි වනු ඇති බවත් ඔහු අවධාරණය කර තිබේ.

මේ සම්බන්ධව කටයුතු කරන ලෙස ඔහු ජාත්‍යන්තරයෙන්ද ඉල්ලා ඇත.
 
(රොයිටර් පුවත් ඇසුරිණි - 085)