ප‍්‍රංශ හමුදා සෙබළුන්ගේ සහාය ඇතිව අල් කයිඩාවළට සම්බන්ධ ඉස්ලාමීය සටන්කාමීන්ගේ ග‍්‍රහණයේ පැවැති ප‍්‍රධාන නගර කීපයක් යළි අත්පත් කර ගැනීමට තමන්ට හැකි වූ බව මාලි හමුදාව පවසයි.
ඒ අතරින් ගෝ නමැති නගරය මුදා ගැනීමට දින දෙකක් තිස්සේ සටන්කාමීන් සමඟ සටන් වැදීමට සිදුවූ බව ද මාලි හමුදාව වැඩි දුරටත් කියා සිටී.
දේශපාලනික වශයෙන් අස්ථාවර තත්ත්වයක පසුවන උතුරු අපි‍්‍රකාවට අයත් මාලි රාජ්‍යයේ පසුගිය වසරේ හමුදා කුමන්ත‍්‍රණයක් සිදුවී රට දේශපාලනික වශයෙන් අස්ථාවර විය.
එම අවස්ථාවෙන් ප‍්‍රයෝජනගත් උතුරු අපි‍්‍රකානු අර්ධ ද්වීපයේ කි‍්‍රයාත්මක අල් කයිඩා සහ සෙසු ඉස්ලාමීය ජිහාඞ් සටන්කාමීහු එහි නගර රැසක් අත්පත් කර ගත්හ.
මාලි රාජ්‍යය සටන්කාමීන්ගෙන් මුදා ගැනීමට අන්තර්ජාතික සහාය මාලි හමුදාවටත් එරට රජයටත් හිමිවිය. ප‍්‍රංශය පමණක් නොව බටහිර අපි‍්‍රකා රාජ්‍යයන් සහ අපි‍්‍රකානු සංගමය ද ඔවුන්ගේ හමුදා මාලි රාජ්‍යයට යැවුණේ එක්සත් ජාතීන්ගේ සංවිධානයේ ඉල්ලීම පරිදිය. මාලි රාජ්‍යය කලක් ප‍්‍රංශයේ යටත් විජිතයක් ලෙස පැවැතිණි.