යුරෝපයේ බෝල්කන් ප‍්‍රදේශයට අයත් මැසිඩෝනියාව,සර්බියාව ඇතුළු රටවල් 4කට ශ්‍රී ලාංකික සරණාගතයින් ඇතුළු සරණාගත ජනයාට ඇතුළුවීමට තිබූ ඉඩ ප‍්‍රස්ථා ඇහිරවීමට එම රටවල් තීරණය කර ඇත.

ඒ අනුව මැසිඩෝනියාව විසින් ශ්‍රී ලංකාව ,සුඩානය, ලයිබීරියාව, කොංගෝ හෝ පකිස්ථානය යන රටවලින් එන සරණගාත ජනයා පිළිනොගැනීමට තීරණය කර ඇතැයි සර්බියාවේ එක්සත් ජාතීන්ගේ මානව හිමිකම් කවුන්සිලයේ ප‍්‍රකාශිකා මෙලිටා සුන්ජික් ප‍්‍රකාශ කළ බව එක්සත් ජාතීන්ගේ නිල වෙබ් අඩවියේ සඳහන් වේ.

තම රටවලට සංක‍්‍රමණය වන සරණගත කෙරෙහි යුරෝපීය ජනතාව මේවන විට බියෙන් පසුවන බවත්,ඔවුන් සමඟ සන්නද්ධ සංවිධාන වල සාමාජිකයින් පැමිණීමේ ඉඩකඩ ඇති බවත්, පැරිස් ප‍්‍රහාරයෙන් එකී බිය අලූත් වී ඇති බවද ඇය සඳහන් කර සිටීයි.

යුදමය වාතාවරණයක් පවතින සිරියාව, ඇෆ්ගනිස්ථානය හා ඉරාකය යන රට වලින් පැමිණෙන සරණාගත ජනයාට පමණක් මැසිඩෝනියා හා සර්බියා දේශසීමාවේදී සර්බියාව විසින් සුළු ඉඩක් ලබා දී ඇති බවද වාර්තා වේ.