හොං කොං නාවික ධානපතියකු වන ඇන්ටෝ මාර්ඩන් (64) ඔහු සහ ඔහුගේ බිරි`ද වෙනුවෙන් බි‍්‍රතන්‍ය පවුම් කෝටි එකහමාරක (රුපියල් කෝටී 309) වටිනා සුපිරි යාත‍්‍රාවක් මිලදී ගත්තේය.

 එය ඇඩැස්ට්‍රා නම් වේ. ඉන්දුනීසියා වෙරළේ ඔවුන්ට අයත් නිවර්තන දුපත් දෙකක් අතර යාත‍්‍රා කිරීමට මෙම යාත‍්‍රාව භාවිතා කෙරෙනු ඇතැයි වාර්තා වේ.

සුපිරි යාත‍්‍රා නිර්මාණකරුවකු වන ජෝන් ෂට්ල්වර්ත් විසින් නිර්මාණය කැරුණු මෙම යාත‍්‍රාව සම්පූර්ණයෙන් නිර්මාණය කිරීම සදහා අවුරුදු 5ක් ගත වී ඇති අතර සැලසුම් කිරීම සදහා පමණක් අවුරුදු 2ක් ගත වීය. දිගින් මීටර 42.5ක්ද, පළල මීටර 16ක් සහ ටොන් 52ක බරකින් යුක්ත වන අහස් යානයක් වැනි සුවිශේෂී හැඩයක් ගනී. මගීන් 9 දෙනෙකුට ඉතා සුඛෝපභෝගී පහසුකම් සහිතව එකවර මෙහි ගමන් කිරීමේ හැකියාව ඇත.

ඇඩැස්ට්‍ර්ට්‍රා යාත‍්‍රාව ලන්ඩන් සිට නිව්යෝක් දක්වා සැතපුම් 4000ක් පමණ එකදිගටම යාත්‍රා කළ හැකි ඉහළ ධාරිතාවකින්ද යුක්ත වන අතර මීටර 50ක් පමණ දුරින් පිහිටා ඇති විට ඇපල් අයි පෑඞ් උපාංගයකින් හැසිරවිය හැකි වීම මෙහි තවත් එක් සුවිශේෂිතාවයකි.

ඇඩැස්ට්‍රා උසස් තාක්ෂණය යොදා ගෙන නිර්මාණය කරන ලද ලොව අනගිතම යාත‍්‍රාවක් වන බවත් ලොව විස්මිතම සුපිරි යත‍්‍රාවක් වන බවත් ‘ද බෝට් ජාත්‍යන්තර සඟරාව’ පවසා තිබේ.