ඩිමොක්‍රටික් පක්ෂයේ ජනාධිපතිවරණ අපේක්ෂකයා තෝරාගැනීමේ සටනේ මැන්චෙස්ටර්හි නිව් හැම්ප්ෂයර්හි පැවැති ඡන්ද විමසීමෙන් ජය ලැබීමට බර්නි සැන්ඩර්ස් සමත්ව ඇත.

ඇමෙරිකා එක්සත් ජනපද ජනාධිපතිවරණය මේ වසරේදී පැවැත්වීමට නියමිතය. ඒ සඳහා ඩිමොක්රැටික් පක්ෂයේ අපේක්ෂකයා තෝරාගැනීමේ ඡන්ද විමසීම මේ දිනවල පැවැත්වේ.

මැන්චෙස්ටර්හි නිව් හැම්ප්ෂයර්හි පැවැති ඡන්ද විමසීමෙන් මධ්‍යස්ථ මතධාරී ජෝ බයිඩන්ට හිමිවූයේ පස්වැනි තැනය. එය ඔහු ලැබූ විශාල පරාජයක් යැයි ද දේශපාලන විචාරකයෝ පෙන්වාදෙති.

ඡන්ද විමසීමෙන් දෙවැනි තැන දිනාගැනීමට ඉන්දියානා ප්‍රාන්තයේ ‘සවුත් බෙන්ඩ්’ නගරයේ හිටපු නගරාධිපති පීටර් බුටිජෙජ් සමත්විය. හෙතෙම පසුගිය සතියේ අයෝවාහි පැවැති ඡන්ද විමසීමෙන් ජයග්‍රහණය ලැබීමට ද සමත්විය.

මැන්චෙස්ටර්හි නිව් හැම්ප්ෂයර්හි ඡන්ද විමසීමේදී බර්නි සැන්ඩර්ස් සහ පීටර් බුටිජෙජ් අතර සමීප සටනක් පැවැතුණි.

රොයිටර්ස්

055