(ද ගාඩියන් )
 
බ්‍රිතාන්‍ය කාන්තාවන්ට ඡන්දය ප්‍රකාශ කිරීමේ අයිතිය හිමිව වසර 100ක් සම්පූර්ණ වී තිබේ. ඊට සමගාමීව දැවැන්ත පෙළපාලි සංවිධානය කර තිබුණි.

බ්‍රිතාන්‍ය කාන්තාවන්ට ඡන්ද අයිතිය හිමිව සිය වසරක් සපිරීම සනිටුහන් කරමින් උතුරු අයර්ලන්තයේ බෙල්ෆාස්ට් නුවර, වේල්සයේ කාඩිෆ් නුවර , ස්කොට්ලන්තයේ එඩින්බරෝ නුවර  බ්‍රිතාන්‍යයේ ලන්ඩන් නුවර දැවැන්ත පෙළපාලි පැවැත් විය.

ජය ඝෝෂා නඟමින් ගී ගයමින් සහ සමාන අයිතිවාසිකම් සඳහා අරගලය පෙරට ගෙන යන බවට ප්‍රතිඥා දෙමින් එක්සත් රාජධානියේ දහස් සංඛ්‍යාත පිරිසක් මෙම පෙළපාලි සඳහා එක්ව සිටියේය.

මෙය සංවිධානය කර තිබුණේ පළමු ලෝක යුද්ධය සමඟ ජනතාව සම්බන්ධ කෙරෙන සංස්කෘතික වැඩසටහනක් සහ එක්සත් රාජධානියේ ප්‍රසිද්ධ කලා කෘති නිර්මාණය කරන පුණ්‍යායතනයක් එක්ව බව සඳහන් වෙයි.

අගනුවර හතරක පැවති පෙළපාලි සඳහා යොදාගනු ලැබූ සටන් පාඨ සහිත පුවරු නිර්මාණය කිරීම සඳහා කලාකරිනියන් 100 දෙනෙකුගේ සහය ලැබුණු බව විදෙස් වාර්තාවල සඳහන් වෙයි.

(125)