පාකිස්තානයේ සිට බි‍්‍රතාන්‍යයේ මැන්චෙස්ටර් ගුවන්තොටුපොළ තෙක් පියාසර කරමින් තිබූ මගී ගුවන් යානයක් පැහැර ගැනීමටත් පුපුරුවා හැරීමටත් එහි සිටි මගීන් දෙදෙනකු උත්සහ කිරීමත් සමඟ යානය හදිසියේ ගොඩබැස්සීමට කටයුතු කෙරිණි.
පාකිස්තාන ගුවන් සේවයට අයත් බෝයිං වර්ගයේ එම ගුවන් යානයේ කාර්ය මණ්ඩලයට අමතරව මගීන් 287 දෙනකු ගමන් කරමින් සිටි බව පැවැසෙයි.
එම කලබලය කළේ යානයේ සිටි බි‍්‍රතාන්‍ය ජාතික මගීන් දෙදෙනෙකි. එම මගීන් දෙදෙනා ගැන නියමුවන් බි‍්‍රතාන්‍ය ගුවන් සේවා බලධාරීන්ට දැනුම් දුන් අවස්ථාවේදී බි‍්‍රතාන්‍ය රාජකීය ගුවන් හමුදාව ප‍්‍රහාරක ජෙට් යානයක් පිටත් කර මගී යානය ස්ටැන්ස්ටඞ් නමැති කුඩා ගුවන්තොටුපොළට ගොඩ බාන්නැයි බල කර ඇත.
යානය ගොඩ බෑ අවස්ථාවේදී කලබල කළ තරුණයන් දෙදෙනා අත්අඩංගුවට ගැනුණි. ආරක්ෂක අංශ යානය පරීක්ෂා කළ ද පුපුරණ ද්‍රව්‍ය සොයා ගැනීමට හැකියාවක් නොලැබුණි.