බීබීසී අධ්‍යක්ෂ ජනරාල් ජෝර්ජ් එන්ට්විස්ල් ඊයේ (11) සිය ධූරයෙන් ඉල්ලා අස්විය. බි‍්‍රතාන්‍ය කොන්සර්වේටිව් පක්ෂයේ දේශපාලනඥයකු වූ මැක්ඇල්පයින් සාමිවරයා ළමා අපයෝජන සිද්ධියකට සම්බන්ධ බවට සාවද්‍ය ලෙස චෝදනා කරමින් විකාශය වූ වාර්තාමය වැඩසටහනක් මුල් කරගනිමින් අධ්‍යක්ෂ ජනරාල්වරයා ඉල්ලා අස්විය. බීබීසී නිව්ස් නයිට් වැඩසටහන පැවැත් වූ සම්මුඛ සාකච්ඡුාවකට සහභාගී වූ අයෙක් සිදු කළ ප‍්‍රකාශයක් මේ සිද්ධියට තුඩු දී ඇත. 1970 දී තමා ළමා නිවසක සිටි බව පැවසූ එම පුද්ගලයා බි‍්‍රතාන්‍ය ජ්‍යෙෂ්ඨ දේශපාලනඥයකු එහිදී තමාව අපයෝජනයට ලක් කළ බව සඳහන් කළේය. ඉකුත් සතිය වනතෙක් එම දේශපාලනඥයා කවරෙක්දැයි බීබීසි ආයතනය නොදැන සිටි අතර අන්තර්ජාලය හරහා එම පුද්ගලයා බි‍්‍රතාන්‍ය කොන්සර්වේටිව් පක්ෂයේ  ජ්‍යෙෂ්ඨ දේශපාලනඥයකු වන ඇලිස්ටෙයාර් මැක් ඇල්පයින් සාමිවරයා බවට තොරතුරු පළ විය. සිද්ධිය සැල වූ වහාම ඇල්පයින් සාමිවරයා මේ චෝදනාවලට තමාගේ කිසිදු සම්බන්ධයක් නොමැති බව කියා සිටියේය. සාමිවරයාගේ ප‍්‍රතිචාරයෙන් අනතුරුව සම්මුඛ සාකච්ඡුාවට සහභාගී වූ පුද්ගලයා සිය ප‍්‍රකාශය ඉල්ලා අස් කර ගත්තේ සිද්ධියට සාමිවරයාගේ කිසිදු සම්බන්ධයක් නොමැති බව පවසමිනි. එම වැඩසටහන මූලධර්මවලට විරුද්ධ අයුරින් නිර්මාණය කළ එකක් බව සඳහන් කළ ධූරයෙන් සමුගත් අධ්‍යක්ෂ ජනරාල්වරයා මාධ්‍ය ආයතනයේ ප‍්‍රධාන කර්තෘවරයා වශයෙන් විකාශය වන සියලූම වැඩසටහන්වල වගකීම තමා සතු බව පැවැසීය. මෙවැනි වැඩසටහන් තුළින් බීබීසී ආයතනයේ විශ්වසනීයත්වය පළුදුවන බව ඔහු වැඩිදුරටත් සඳහන් කළේය. මේ අතර මැක්ඇල්පයින් සාමිවරයාගේ නීතීඥයන් කියා සිටියේ සිය සාමිවරයා අපකීර්තියට පත් කිරීමට කටයුතු කළ සෑම මාධ්‍ය ආයතයකටම එරෙහිව නීතිමය කි‍්‍රයාමාර්ග ගන්නා බවයි. ඒ අනුව පනස් හැවිරිදි වියේ පසුවන ජෝර්ජ් එන්ට්විස්ල් බීබීසී ආයතයේ අඩුම කාලයක් සේවය කළ අධ්‍යක්ෂක ජනරාල්වරයා ලෙස ඉතිහාසයට එක් විය. බීබීසි ආයතනයේ සංගීත සහ ශ‍්‍රව්‍ය අධ්‍යක්ෂවරයා ලෙස මේ දක්වා කටයුතු කළ ටිම් ඬේවි හිස් වූ අධ්‍යක්ෂ ධූරයේ වැඩ බාර ගැනීමට නියමිතව සිටී. බීබීසී අධ්‍යක්ෂ ජනරාල් ජෝර්ජ් එන්ට්විස්ල්