පේරු රාජ්‍යයේ නැගෙනහිර හුවමචුකෝ ප්‍රදේශයේ රන් පතලක සිදුවූ විෂ වායු කාන්දුවක් හේතුවෙන් එහි සේවය කරමින් සිටි කම්කරුවන් අටදෙනකු මියගොස් ඇතැයි වාර්තා වේ. 
 
උමං මාර්ගයක් හාරමින් සිටින අවස්ථාවේ එක්වරම කරකැවිල්ල සහ වමනය රෝග ලක්ෂණ ඇතිවූ බවත් පසුව ක්ලාන්ත වූ බවත් දිවිබේරාගත් කම්කරුවා පවසා ඇත. 
 
එහි නවදෙනකු වැඩ කරමින් සිට ඇති අතර එක් අයෙකු දිවි බේරාගෙන ඇත.
 
 මෙම පතල අනවසරයෙන් පවත්වාගෙන ගිය එකක් බවත් පේරු රාජ්‍යයේ මෙවැනි අවිධිමත් පතල් විශාල සංඛ්‍යාවක් පවතින බවත් බලධාරීහු පවසති.
 
 
(රොයිටර් පුවත් ඇසුරිණි - 085)