අකුරු 103 කින් යුත් වාක්‍ය ඛණඩයක් තත්පර 47 කදී නහයෙන් යතුරු ලියනය කළ ඉන්දියා ජාතික මොහොමඞ් කුර්ෂිඩ් හුසේන් පසුගියදා නවතම ගිනස් වාර්තාවක් පිහිටුවීය.

23 හැවිරිදි කුර්ෂිඩ් හට වේගයෙන්ම ඉංගී‍්‍රසි ආකරාදිය යතුරු ලියනය කළ පුද්ගලයා යන ගිනස් වාර්තාවද හිමිය.2012 වසරේදී තත්තපර 3.43 කදී සම්පූර්ණ ඉංගී‍්‍රසි ආකරාදියම යතුරු ලියනය කර ඔහු එම වාර්තාව තමන් සතු කර ගත්තේය.

මෙවර අතෙහි වැඩ නහයට භාර දීමට තීරණය කළ බව ඔහු පවසයි.වාර්තාව පිහිටුවීමට තමන් දිනකට පැය 6 ක් පමණ පුහුණු වූ බව ඔහු කියයි.

අත් පිටු පසට කර ගැටගසා පුටුවක හිදුවා සිටි කුර්ෂිඞ් තම නහයෙන් යතුරු ලියනය කරන අයුරු දැක බලා ගැනීමට මාධ්‍යවේදීහු ඇතුළු බොහෝ දෙනා රැස්ව සිටියහ.තත්පර 47 කදී අකුරු 103 කින් යුතු වුනු වාක්‍යය ඛණ්ඩය ඔහු නහයෙන් යතුරු ලියනය කර අවසන් කළේ ජයඝෝෂා මධ්‍යයේය.