සෞරග‍්‍රහ මණ්ඩලයේ ඉම කරා යැවුණු ඇමරිකා ගුවන් හා ගගන පර්යේෂණායතනයේ (නාසා) නිව් හොරසියන් අභ්‍යාවකාශ යානාව මේ වන විට එහි ගමනාන්තයට ඉතාම ආසන්නයෙන් සිටින බව පැවසේ.

මෙම යානාව අප සෞරග‍්‍රහ මණ්ඩලයේ ඉම කරා යැවුණු ප‍්‍රථම යානයයි. එය අභ්‍යාවකාශ ගත කෙරුණේ 2006 වසරේදීය.

යානයට පැවරී තිබෙන මෙහෙයුමේ තවත් ප‍්‍රධාන කාර්යභාරයක් වන්නේ ප්ලූටෝ ග‍්‍රහයාගේ තොරතුරු පෘථිවිය වෙත එවීමයි. මෙම තොරතුරු නුදුරු දින කිහිපයේදී ලැබෙනු ඇතැයි විද්‍යාඥයින් පවසන අතර ඒවායින් ප්ලූටෝ ගැන මින් පෙර නොදැන සිටි කරුණු රාශියක් සොයාගැනීමට හැකිවනු ඇතැයිද ඔවුන් මතපළ කරයි.

නිව් හොරයිසන්ගේ ගමන අභ්‍යාවකාශයේ ඉම කරා යෑමෙන් පමණක් අවසාන කිරීමටද විද්‍යාඥයින්ගේ බලාපොරොත්තුවක් නොමැත. එය ආධාරයෙන් පෘථිවි වාසීන් එවනු ලබන පණිවුඩයක් දුර ඈත අභ්‍යාවකාශයට සම්පේ‍්‍රෂණය කිරීමේ සැළසුමක්ද ඔවුන්ට තිබේ.

මෙය ඔවුන් හඳුන්වාදී ඇත්තේ පිටසක්වල හා අප සන්නිවේදනයේ යෙදෙන ප‍්‍රථම අවස්ථාව හැටියටය.සම්පේ‍්‍රෂණය කිරීමට නියමිත පණිවුඩයේ පෘථිවි වාසීන් පිළිඹද තොරතුරුත්,පෘථිවියට ළගාවිය හැක්කේ කෙසේද යනාදී තොරතුරුත් අන්තර්ගත කරන බව විද්‍යාඥයින් කියයි.

නිව් හොරසියන්ගේ මෙහෙයුමේ අවසානයක් දැකගත හැකිවනු ඇත්තේ 2026 වසරේදීය.ඒ දක්වා අභ්‍යාවකාශයේ මින් පෙර නොගිය, නුදුටු තැන් වල තොරතුරු එය ආධාරයෙන් හැකිතාක් ලබාගැනීම විද්‍යාඥයින්ගේ අරමුණයි.