දෙවන ලෝක යුද්ධය ආරම්භ වී වසර 80ක් පිරීම නිමිත්තෙන් අද (01) පෝලන්තයේදි සැමරුම් උත්සවයක් සංවිධානය කර තිබිණි.
 
ඇමරිකානු උප ජනාධිපති මයික් පෙන්ස් සහ ජර්මන් චාන්සලර් ඇන්ජෙලා මාර්කෙල් ඇතුළු රාජ්‍යතාන්ත්‍රිකයෝ පිරිසක් සමග පෝලන්ත ජනපති හා අගමැතිවරයා මෙම උත්සවය සඳහා එක්ව සිටියහ.
 
 වර්ෂ 1939 සැප්තැම්බර් 01වනදා පළමු බෝම්බය හෙලනු ලැබූ වියෙලුන් නගරයේ මෙම සැමරුම පැවැත්විණ.
 
පෝලන්ත ජනගහනයෙන් පහෙන් එකක් යුද්ධයේදී දිවිපිදූ අතර ඔවුන්ගෙන් වැඩිපිරිසක් යුදෙව්වෝ වූහ. යුදෙව්වන් ලක්ෂ තිහක් පමණ මියගිය බව ඉතිහාස වාර්තා සඳහන් කරයි.

වෝර්සෝ අගනුවර සම්පූර්ණයෙන් විනාශ වූ අතර 1989 දක්වා පෝලන්තය සෝවියට් දේශයේ යටත් විජිතයක්ව පැවතිණි.
 
(රොයිටර් පුවත් ඇසුරිණි - 085)