ඉන්දියාවේ අගනුවර වන නවදිල්ලියේ පැවති ගෝත්‍රික අයිතිවාසිකම් පිලිබඳ විරෝධය අතරතුරේදී නගරයට ජලය සැපයෙන  ප්‍රධාන ජලසැපයුම විසන්ධි කිරීම හේතුවෙන් දැඩි ජල අර්බුධයකට නගරවාසීන් මුහුන දී ඇතැයි බීබීසි පුවත් සේවය වාර්තා කරයි.

 විරෝධතාවයට එක්වු  හර්යානා ප්‍රාන්තයේ ජැට් ප්‍රජාවේ විරෝධතාකරුවන් දිල්ලි නගරයට ජලය සැපයෙන ප්‍රධාන මූලාශ්‍රය වන මුනක් ඇළ මාර්ගයේ සවිකර තිබූ උපකරණ වලට හානි පැමිනීම මෙම තත්වයට හේතුව බව වාර්තාවේ.

මෙම ජල අර්බුධය හේතුවෙන් සමහර ප්‍රදේශ වෙත ඉරිදා කොහෙත්ම ජලය සැපයිමක් නොවු අතර  සඳුදා   පාසැල් විවෘත නොකරණ බවද බලධාරින් ප්‍රකාශ කර තිබේ.

සෙනසුරාදා සිට පවතින ප්‍රචන්ඩ ක්‍රියා හේතුවෙන් මේ වනවිට අවම වශයෙන් පුද්ගලයන් නම දෙනෙක්වත් මියගොස් ඇතැයි ද මාධ්‍ය වාර්තා පෙන්වා දෙයි.

ඉන්දියා  රජය මගින් පනවා ඇති ග්‍රෝතික පංගු ක්‍රමය ගැන නොසතුට පළකරණ විරෝධතා කරුවන් කියා සිටින්නේ මේ හේතුවෙන් රජයේ රැකියා සහ රජයේ අධ්‍යාපන ආයතන වෙත යොමුවිමේදී තමනට අවාසි දායක තත්වයක් උදාවෙන බවයි.

ජැට් ප්‍රජාව  මේ වනවිට ඉන්දියාවේ ඉහළ ග්‍රෝතිකයන් ලෙස වර්ග කර ඇති මුත් ඔවුන්ට අවශ්‍යව ඇත්තේ රැකියා පංගු ක්‍රමය පහළ කුලවල අයට ලබාදෙන ආකාරයටම ලබාගැනීමටයි.

ඇඳිරි නීතිය පවා උල්ලංඝනය කරමින් විරෝධතා කරුවන් ප්‍රචන්ඩ ක්‍රියා ඇති කිරීම හේතුවෙන් මෙම  තත්වය පාලනයට  රොටැක් සහ ජජාර් දිස්ත්‍රික්කවලදී ඔවුන්ට යුධ හමුදාව විසින් වෙඩි තැබීම් ද සිදුකර තිබේ.