ඉතියෝපියාවේ සුරී ගෝත්‍ර වාසීහු ගෝත්‍රයේ කාන්තාවන්ගේ වැඩිවිය පත්වීම හා ඔවුන්ගේ රූමත්බව පෙන්වීමට අමුතු චාරිත්‍රයක් අනුගමනය කරන්නෝය.

චාරිත්‍රයට අනුව කාන්තාවක වැඩිවිය පත්වුනු පසු ඇයගේ යටි ඇන්දේ දත් ඉවත් කර ඇයගේ යටි තොල සිදුරු කැරෙයි.

අනතුරුව ඇයගේ යටි ඇන්ද හා තොලෙහි වන සිදුර අතර සිරවී සිටින්නට දමනු ලබන්නේ මැටි තැටියකි.මෙම තැටියේ ප්‍රමාණය ක්‍රම ක්‍රමයෙන් විශාල කරමින් ඇයගේ යටි තොල කෙතරම් දුරකට ඇද දැමිය හැකිදැයි සොයාබැලේ.

තැටියේ ප්‍රමාණය විශාල වන්නට ඇය දීග දීමේදී ඇයගේ පියාට ඉල්ලා සිටිය හැකි සම්පත් ප්‍රමාණයද ඉහළ යන්නේය.සුරී ගෝත්‍ර වාසීහු ගනුදෙනු සිදුකරන්ගේ බොහෝ විට ගවයින් එකිනෙකා අතර හුවමාරු කරගැනීමෙන් වන අතර දිගු තැටියක් මුඛයේ සිරකළ හැකි දුවණියක සිටින පියෙකුට දෑවැද්ද වශයෙන් හරකුන් 60 ක් පමණ ඉල්ලා සිටිය හැක.

ගෝත්‍රයේ වර්තමාන කාන්තා පරම්පරාවනම් මේ චාරිත්‍ර විධිය ප්‍රතික්ෂේප කරන බව සදහන්ය.