ලෝකයේ පොලිස්කාරයා ලෙස හිඳිමින් ඇමෙරිකාව සිදු කරන කි‍්‍රයා නවතා සිය ජනතාවගේ ගැටලූ විසඳීමට යොමුවන ලෙස තලෙයිබාන් සංවිධානය  පෙරේදා(7) දෙවනවර ජනපතිධූරයට තේරී පත්වූ බැරැක් ඔබාමාට වෙත දන්වා සිටියේය. ඇෆ්ගන් යුද්ධය අවසන්ව ඇති නිසා හමුදා භට පිරිස් තම රටෙන් ඉවත් කර ගන්නැයි ඉල්ලා සිටින තලෙයිබාන් සංවිධානය තවදුරටත් ලෝකයා කුපිත කරන කි‍්‍රයාවන්ගෙන් ඈත්වී සිටින්නැයි ද කියා සිටී. තලේබාන් සංවිධානය ඉස්ලාමීය වෙබ් අඩවියකින් හරහා මේ බව දන්වා ඇතැයි වාර්තා වේ. එමෙන්ම ඇමෙරිකානු හමුදා ඇෆ්ගන් භූමිය තුළ සිදු කරන සංග‍්‍රාමය අවසන්ව ඇති බව පවසන තලේබාන් ප‍්‍රකාශක සබියුල්ලා මුජහීඞ් සිය පූජනීය භූමියෙන් ඉවත්වන ලෙසට ඇමෙරිකා රජයට අනතුරු අඟවා ඇත. තලේබාන්වරු 1996 සිට 2001 දක්වා ඇෆ්ගනිස්තානයේ පාලන බලය හෙබවීය. මේ අතර 2001 වසරේදී ඔසාමා බින් ලාඩන් ඇමෙරිකාවට එල්ල කළ ත‍්‍රස්ත ප‍්‍රහාරයෙන් අනතුරුව ඇෆ්ගනිස්තානය ආක‍්‍රමණය කළ ඇමෙරිකානුවෝ තලේබාන් පාලනය පෙරළා දැමූහ. ඇෆ්ගනිස්තානයේ ආරක්ෂාව වෙනුවෙන් ලක්ෂයකට ආසන්න නේටෝ භට පිරිසක් මේ වන විට රැඳී සිටින අතර ඔවුන්ගෙන් බොහොමයක් ඇමෙරිකානුවෝය. නේටෝ සංවිධානය කියා සිටින්නේ 2014 අවසාන වන විට ඇෆ්ගනිස්තානයේ රැඳී සිටින සියලූම හමුදා සේනාංක ඉවත් කර ගන්නා බවයි.