ඩුබායිහි රූප සුන්දරිය තේරීමේ තරගය සඳහා විශාල තරගකාරියෝ රැසක් එක්සත් අරාබි එමීර් රාජයයේ ලිවා නගරයට එක් රැස් වී ඇති බව වාර්තා වේ. තරගයෙහි තේමාවෙන් කාන්තාවන් මුල් වුවත් මෙහි විශේෂත්වය වන්නේ මෙම තරගය සම්පූර්ණයෙන් කාන්තාවන්ට තහනම් තරගයකි.

තරගකාරිනියන් සියල්ල ඔටු දෙන්නුය. මෙහි අරමුණ කාන්තාවන්ට වඩා ඔටුවන් ලස්සන බව පෙන්වීම බව පැවසේ.

අයිතිකරුවන් දෙනුන්ගෙන් කිරි දොවා පෙන්වීමෙන් අනතුරුව ඔටු දෙනුන් දිවීමේ තරගයකට සහභාගි විය යුතුය.

තරගාවලියෙන් ජය ගන්නා ඔටු දෙනුන් සඳහා තොල් සැකසීම, කෘතිම ඇස් පිහාටු සහිතව රූපලාවන්‍ය සත්කාරයක් නොමිලේ ලබා දෙන අතර පවුම් මිලියන 2 ක මුදලක් පිරිනැමේ.

ඔටු දෙනුන් අයිතිකරුවන් දහස් ගණනක් තම ඔටුවන් සමග මාස ගණනක් සිට කාන්තාර පසු කරමින් මෙම ප‍්‍රදේශය කරා පැමිණෙති. එපමණක් නොව දහස් ගණනක් වියදම් කර ලස්සන ඔටු දෙනුන් මිළඳී ගෙන දින ගණනක් ගමන් කිරීමට අකමැති පොහොසතුන් තම සතුන් මෙහි ගෙන ඒමට හෙලිකොප්ටර් පවා කුලියට ගන්නේ කෙසේ හෝ තරගය ජය ගන්නා අරමුණෙනි.

‘කාන්තාවන්ට වඩා ඔටු දෙනුන් ලස්සන’ බව පෙන්වීමේ අරමුණින් මෙම තරගාවලිය පවත්වන බවත් ඔවුන්ට සමාන ලස්සනක් ඇති වෙනත් කිසිදු ජීවීයෙක් මේ මිහිමඬලේ නොමැති බව ඔවුන් අදහස් කරන බවත් තරගාවලියට සහභාගි වූ ඔටු දෙනුන් හිමිකරුවන්ගේ අදහසයි.