IMG-LOGO

2025 නොවැම්බර් මස 04 වන අඟහරුවාදා


ජනපති තාත්තාට නොකියා පුතා රුසියානු නීතිඥවරිය හමුවෙලා

තමන් රුසියානු නීතිඥවරියක හමු වූ බව පියා දැන සිටියේ නැතැයි ජනාධිපති ඩොනල්ඞ් ට්‍රම්ප් මහතාගේ පුතු ඩොනල්ඞ් ට්‍රම්ප් (කණිෂ්ඨ) පැවැසීය.

මෙම රුසියානු නීතිඥවරිය ට්‍රම්ප් මහතාට ජනාධිපතිවරණයෙන් ජයගැනීමට සඳහා උපකාර කිරීමට ඉදිරිපත් වී තිබේ.

“එය එතරම් දෙයක් නෙමෙයි, ඔහුට කියන්න තරම් දෙයක් තිබුණේ නැහැ” යැයි ෆොක්ස් පුවත් සේවය සමඟ සම්මුඛ සාකච්ඡාවකට එක්වෙමින් ජනාධිපති ඩොනල්ඞ් ට්‍රම්ප්ගේ පුත් ඩොනල්ඞ් ට්‍රම්ප් (කණිෂ්ඨ) පැවැසීය.

රුසියානු නීතිඥවරිය හා සන්නිවේදනය වූ ඊමේල් පණිවිඩ ද ප්‍රසිද්ධ කිරීමට ජනාධිපති ට්‍රම්ප් මහතාගේ පුත්‍රයා කටයුතු කර ඇත. රුසියානු නීතිඥවරිය ක්‍රෙම්ලීනය සමඟ ද සබඳතා පවත්වා ඇති බවට අනාවරණය වී තිබෙන අතර  ඩිමොක්‍රටික් පක්ෂයෙන් ජනාධිපතිවරණයට ඉදිරිපත් වූ හිටපු රාජ්‍ය ලේකම් හිලරි ක්ලින්ටන් මහත්මියට හානිදායක අන්දමේ තොරතුරු ද ඇය සතුව තිබී ඇතැයි වාර්තා වේ.

පසුගිය වසරේ පැවැති ඇමෙරිකානු ජනාධිපතිවරණයට රුසියාව මැදිහත් වූ බවට එල්ල වන චෝදනා සම්බන්ධයෙන් මේ වනවිටත් විමර්ශන පැවැත්වෙයි.

රුසියාව ක්ලින්ටන් මහත්මියගේ ජනාධිපතිවරණ ප්‍රචාරණ ව්‍යාපාරය කඩාකප්පල් කිරීමට කටයුතු කළ බවත් ඩිමොක්‍රටික් පක්ෂයේ පරිගණකවලට අනවසරයෙන් ඇතුළු වී දත්ත සහ තොරතුරු වෙනස් කළ බවත් රුසියාවට චෝදනා එල්ල විය. කෙසේ නමුත් රුසියාව එම චෝදනා ප්‍රතික්ෂේප කළේය.

තමන් රුසියානු නීතිඥවරිය මුණ ගැසුණු බව පියා නොදන්නා බව ඩොනල්ඞ් ට්‍රම්ප් (කණිෂ්ඨ) දිගින් දිගටම පවසන අතර රුසියාව ද එල්ල වන චෝදනා ප්‍රතික්ෂේප කරයි.

ඔබ මේ සම්බන්ධයෙන් පියාට කීවා නම් කුමක් සිදුවන්න තිබුණා දැයි ෆොක්ස් පුවත්සේවයේ මාධ්‍යවේදී සීන් හැනිටි ට්‍රම්ප් මහතාගේ පුතුගෙන් විමසූ අවස්ථාවේදී එය එතරම් දෙයක් නොවන බව පැවැසීය.

“එය එතරම් දෙයක් නෙවෙයි. තාත්තට කියන්න තරම් දෙයක් වුණේ නැහැ. ඔබ හාර අවුස්ස අවුස්ස අහනකන් මට ඒ ගැන මතක තිබ්බෙත් නැහැ. ඒ ගැන කතා කරපු කාලෙත් අපරාදේ” යැයි ඇමෙරිකා ජනාධිපතිවරයාගේ පුත්‍රයා පැවැසීය.

ජනාධිපතිගේ පුත් ඩොනල්ඞ් ට්‍රම්ප් (කණිෂ්ඨ), ඔහුගේ මස්සිනා වනා ජාඞ් කෘෂ්නර් සහ ජනාධිපතිවරණයේ සභාපතිවරයා වශයෙන් කටයුතු කළ පෝල් මැනෆෝට් 2016 වසරේ ජූනි මාසයේදී නිව්යෝක් නුවර පිහිටි ‘‘ට්‍රම්ප් ටවර්‘‘ හිදී රුසියානු නීතිඥ නතාලියි වෙසෙල්නිට්ස්කයා මුණ ගැසී ඇතැයි කියැවේ.  

ඒ.එෆ්.පී/රොයිටර් 055



අදහස් (3)

ජනපති තාත්තාට නොකියා පුතා රුසියානු නීතිඥවරිය හමුවෙලා

විස්වජිත් Wednesday, 12 July 2017 10:58 AM

එතකොට තාත්තා කවුද?

:       11       1

Susil Thursday, 13 July 2017 04:22 AM

මේ තාත්තලා , පුතාලා හරි බබ්බු,

:       0       2

de silva Thursday, 13 July 2017 07:03 AM

ඔන්න පුත්‍ර සමාගම් ක්‍රමය ලංකාවෙන් ඇමෙරිකාවටත් බෝ වෙලා , ඉදිරියට බටහිර ජාතිකයෝ ලංකාවට ඒවි දේශපාලන ඉගෙන ගන්න

:       0       2

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි 2025 ඔක්තෝබර් මස 08 1934 0
ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ 2025 ඔක්තෝබර් මස 01 1535 0
මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී. 2025 සැප්තැම්බර් මස 23 537 0
ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී.

ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන

Our Group Site