ඇමෙරිකාවේ ජාතික ආරක්ෂක සංවිධානය සහ බ්‍රිතාන්‍යයේ ජාතික බුද්ධි අංශයට අනුයුක්ත පණිවුඩ නිරික්සීමේ කාර්යාංශය එකාබද්ධව දියත්කර ඇරැඹු නව ආරක්ෂක වැඩපිළිවෙළකට අනුව ලොව පුරා මුහුණත ක්‍රියාකාරී නව ජංගම දුරකථන සහ පරිගණක භාවිතයන්ට සවන්දීම ආරම්භ කර ඇතිබව ජර්මනියේ ද ස්පිගල් පුවත්පත වාර්තා කර ඇත.

මෙම ක්‍රියාදාමය අරඹා ඇත්තේ ඇමෙරිකාවටත් බ්‍රිතාන්‍යයටත් එරෙහිව සංවිධානයවියහැකි අනාගත ත්‍රස්තවාදී ක්‍රියාදාමයන් පිළිබඳව තොරතුරු එක්රස්කිරීමේ අරමුණෙන් බවද එම වාර්තාවෙහි දක්වා ඇත.

ඇමෙරිකාවේ සහ බ්‍රිතාන්‍යයේ රහස් ඔත්තුසේවා සංවිධානයන් බෙදා හැර ඇති අභ්‍යන්තර නියෝගයක සඳහන් තොරතුරු මුලාශ්‍ර ලෙස යොදාගෙන සකස්කර ඇති එම වාර්තාව අනුව මෙම කටයුත්ත සඳහා දැනටමත් ලොවපුරා ජංගම දුරකථන සහ ජංගම පරිගණක සියල්ල පිලිබඳ දත්ත සහ ඒවා භාවිතාවන අන්දම සටහන් කරගැනීමට අවශ්‍ය තොරතුරු ගබඩා කිරීමේ යාන්ත්‍රික පහසුකම් ක්‍රියාත්මක වෙයි.

මෙම තොරතුරු අතරට ලොවපුරා එම ආරක්ෂක සංවිධාන පරික්ෂාවට ලක්විය යුතු ලෙසට සලකුනුකර ඇති වචන භාවිතකරණ හෝ ඇතුලත් සියලුම දුරකථන ඇමතුම්, අන්තර්ජාල භාවිතය, දුරකථන අංක, විද්‍යුත් තැපැල් ලිපිනයන් සහ ඒවායේ සාකච්චාවෙන සහ බෙදාහැරෙන තොරතුරු, එස් එම් එස් පණිවිඩ ආදිය සියල්ලම පටිගතකරන අතර ඒවාට සම්බන්ධ පුද්ගලයින් පිළිබඳව සෝදිසියෙන් සිටීමටද කටයුතු සකස්කර ඇත.

ලොව කොතැනක සිටියත් ජංගම පරිගණක සහ දුරකථන භාවිතය මින්පසුවට " පෞද්ගලික" වන්නේ නැති බව මෙම වැඩපිළිවෙල පිලිබඳ විරෝධය දක්වන පිරිස් පවසති.