මොස්කව් හි එකම පූර්ණ පෞද්ගලික ගුවන් තොටුපළේ කෝටිපති හිමිකරු දිමිත්‍රි කමෙනශික් නිවාස අඩස්සියේ තබන ලෙස රුසියා  අධිකරණයක්  නියෝග කර තිබෙන බව  බි බි සිය වාර්තා කරයි.

2011 ජනවාරි මාසයේ  37 දෙනෙකු ඝාතනය වූ දොමෝදෝඩොවෝ ගුවන් තොටුපළේ  බෝම්බ ප්රහාරය  සම්බන්ධයෙන් පරීක්ෂණයක් ගැන සාක්ෂියක් ගැනීමට ඔහු එලෙස රඳවාගැනීමට නියෝග කර තිබිණි.

 එම ප්‍රහාරය සිදු වූ අවස්ථාවේ ගුවන් තොටුපළ මගින් නිසි ලෙස පරික්ෂා නොකිරීම සම්බන්ධයෙන් ඔහුට චෝදනාද එල්ල විය.

නිසි ලෙස මගීන්ගේ උපකරණ පරික්ෂ නොකිරීම නිසා බෝම්බ කරුවාට තම ඇඳුමේ බෝම්බය සඟවා තබාගෙන ගුවන් තොටුපලට ඇතුල් වීමට හැකි වී තිබේ. නමුත් නීති හා රෙගුලාසි මත එවැනි දැඩි පාලනයක් එම අවස්ථාවේ අවශ්‍ය නොවූ බව ඔහු ප්‍රකාශ කරයි. කෙසේ වෙතත් ඔහු තවත් මාස දෙකක් දක්වා නිවාස අඩස්සියේ තබනු ඇත.  ඔහුගේ වත්කම ඩොලර් බිලියන තුනක් පමණ බවට සදහන්වේ.

2011 සිදු වූ එම ප්‍රහාරයෙන් 37 දෙනෙකු මිය ගිය අතර 100කට ආසනය ප්‍රමාණයක් තුවාල ලැබූහ.