ජම්මු කාශ්මීරයේ ශ්‍රී නගර් ගුවන් තොටුපොළේ දේශසීමා බලකායේ අධි ආරක්ෂිත කඳවුරකට මරාගෙන මැරෙන බෝම්බකරුවන් තිදෙනකු කඩා වැදීමෙන් සොල්දාදුවන් තිදෙනෙක් තුවාල ලැබූහ.

මරාගෙන මැරෙන බෝම්බකරුවන් ජායිෂ් ඊ මුහම්මද් සංවිධානයේ බවත් ඔවුන් මෙම ප්‍රහාරයේ වගකීම බාරගෙන ඇති බවත් තහවුරු නොකළ ආරංචි මාර්ග සඳහන් කළේය. පැමිණි එක් සටන්කාමියකු ආරක්ෂක අංශ එල්ල කළ ප්‍රහාරයකින් මියගොස් තිබෙන අතර පොලිස් වාර්තාවලට අනුව දැනට කෙරෙන පරීක්ෂණවලදී සොල්දාදුවන් තිදෙනකු තුවාල ලබා තිබේ. 

ආයුධ සන්නද්ධ සටන්කාමීන් කඳවුරට කඩා වැදී තිබෙන අතර මෙහෙයුම් තවමත් ක්‍රියාත්මක වන බවත් ජ්‍යෙෂ්ඨ පොලිස් නිලධාරියෙක් පැවැසීය. වෙඩි හුවමාරුව තවමත් සිදුවන බවත් පැමිණි මරාගෙන මැරෙන බෝම්බ ඇඳුම් කට්ටල සහිත සටන්කාමීන් දෙදෙනා තවමත් කඳවුර තුළ සිටින බවත් වාර්තා සඳහන් කරයි. 

මේ අතර උදෑසන 10 වන තෙක් ශ්‍රී නගර් ගුවන් තොටුපොළේ ගුවන් ගමන් නවතා දැමීමට බලධාරීන් කටයුතු කර තිබේ.  

ද හින්දු 055