IMG-LOGO

2025 සැප්තැම්බර් මස 01 වන සඳුදා


කාලගුණේ කරපු විනේ

විපතට පත්වූ එයාර් ඒෂියා ගුවන්යානයේ දැනට හමුව තිබෙන සුන්බුන් අතර වූ මළසිරුරු වලින් පළමුවැන්න පසුගියදා ඥාතීන්ට භාරදීම සිදුවිය.

මුස්ලිම් ජාතික තරුණියකට අයත් එම මළසිරුර ඉන්දුනීසියාවේ සුරබයා ගුවන්තොටුපලේදීම ඉස්ලාම් ආගමානුකූලව කෙරුණු කෙටි ආශිර්වාදකිරීමකින් පසුව ඉක්මනින්ම මිහිදන් කෙරුණි.

තවත් මළසිරුරු 8 ක් හමුව තිබෙන අතර ඒවා ඩී.එන්.ඒ පරීක්ෂාවන්ගෙන් ගුවන්යානයේ ගමන්කළ මගීන්ගේම යැයි අනන්‍යතාව තහවුරු කරගත් පසු ඥාතීන්ට භාරදීමට කටයුතු කරන බව ඉන්දුනීසියා ගුවන් බලධරයින් කියයි.

යානයේ ගමන් කළ ඉතිරි 153 දෙනාගේ සිරුරු මේ වන විටත් හමුව නොමැත.

මේ දිනවල යානයේ සුන්බුන් හමුවූ බෝර්නියෝ දූපත ආසන්නයේ මුහුදු කලාපය අතිශයින් රළු ස්වභාවයක් ගන්නා හෙයින් සෙවුම් කටයුතු සිදුකිරීම අතිශයින් දුෂ්කර වී තිබේ. ගුවන්යානයට අයත් යැයි සැකකෙරෙන සැකිලි කොටසක් මුහුදු පතුලේ ඊයක් මෙන් ඇනී තිබෙන බව පැවසෙන අතර එහි ඉතිරි මළසිරුරු තිබෙන බවට විශ්වාස කෙරේ.

බලධාරීන් පවසන්නේ මේ කාලගුණය දිගටම මෙලෙසම පැවතියහොත් සුන්බුන් තවත් විසිරීම වැළැක්විය නොහැකි බවයි.යානයට ඇත්තටම සිදුවූයේ කුමක්දැයි අනාවරණය කරගැනීමට එහි කළු පෙට්ටිය සොයාගත යුතුව ඇතත් ඒ සඳහා තවත් සති දෙකක්වත් ගතවනු ඇතැයි ඔවුන් කියයි.

ගුවන්ගතවී විනාඩි 45 කින් පමණ අතුරදන්වූ මලයාසියාවේ එයාර් ඒෂියා ගුවන්සේවයට අයත්වූ මෙම එයාර් බස් වර්ගයට අයත් ගුවන්යානයෙන් ලැබුණු අවසන් පණිවුඩයෙන් කාලගුණය දරුණු හෙයින් යානය මදක් ඉහළින් පියාසර කිරීමට නියමුවා අවසර ඉල්ලා තිබේ. පණිවුඩය ඉන්දුනීසියා ගුවන්පාලක මැදිරිය වෙත ලැබී මිනිත්තු කිහිපයක් ගතවූ තැන යානය සමග සියලු සබඳතා ඇණහිට එය රේඩාර් තිරයෙන්ද මැකී ගොස් ඇත.

ගුවන්යානා විශේෂඥයින් පවසන්නේ නියමුවා යානය ඉහළට ගෙනයෑමේදී එය කුණාටුවකට හසුව හීයක් සේ තනි කෙළින් ඉහළ නගින්නට ඇති යැයි සැක කළ හැකි බවයි. මෙසේ ඉහළ නැගි නිසා යානයේ එන්ජින් කි‍්‍රයාවිරහිත වන්නට ඇතැයිද මෙනිසා නැග්ම අවසානයේ නැවත වරක් කුණාටු සුළං වලට හසුවන්නට ඇති යානය පොළවට වැටීමේදී නියමුවා කිසිවක් කරකියා ගතනොහැකිව අසරණ වන්නට ඇතැයිද ඔවුන් මත පළ කරයි.

කාලගුණය යහපත්වූ පසු නියම ආකාරයට දියත් කළ හැකිවනු ඇති මෙහෙයුම් වලින් සියල්ල අනාවරණය කරගැනීමට හැකිවනු ඇත.

245A7ECF00000578-0-image-a-20_1420104430635 245A8E5B00000578-0-image-a-11_1420104220540 245A84E200000578-0-image-a-19_1420104341553 245A87CA00000578-0-image-a-23_1420104503612 245AF12800000578-2893363-The_body_previously_known_as_B001_was_identified_by_fingerprints-a-54_1420113278378



අදහස් (0)

කාලගුණේ කරපු විනේ

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 68 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15582 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 531 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site