පාසැල් වාර විභාගයක් පැවැත්වෙමින් තිබුණු අවස්ථාවක එම සිසුන්ගේ දෙමව්පියෝ හා විභාගය පැවැත්වෙමින් තිබූ ගොඩනැගිල්ලට ගොඩවී එහි ජනේල වලින් එබී බලමින් විභාගය ලියමින් සිටි තම දරුවන්ට උදවු සපයමින් සිටි අපූරු දසුනක් ඉන්දියාවේ බිහාර් ප‍්‍රාන්තයේ පාසලකදී පසුගියදා දැකගත හැකිවිය.

ගොඩනැගිල්ල ඉතා උස් එකක් වූ අතර අවදානමද නොතකා එයට ගොඩවීමට සිසුන්ගේ දෙමව්පියෝ එහි නැග සිටියහ.ජනෙල් පොලූ අතරින් අත දමමින් ඔවුහු පිළිතුරු ලියන ලද කොළ කැබලි සිසුන් අතට දුන්හ.

පාසැල් බළධරයින් පවසා සිටියේ මෙසේ විභාග වංචා සිදුකිරීමට දෙමව්පියන් දරුවන්ට උදවු කිරීම වැළැක්වීමට තමන්ට කළ හැක්කක් නොමැති බවයි.එසේවුවත් උත්තර පත‍්‍ර පරීක්ෂාවේදී වංචා කළ සිසුන් හදුනාගැනීම පහසුදෙයක් බව ඔවුන් කිවේය.

විභාග වංචා වල යෙදීමට ඉන්දියා සිසුන් යොමුවන්නේ උසස් අධ්‍යාපන වරම් ලබාගැනීමට ඔවුන්ට අවස්ථා මද නිසාවෙන් බව ඉන්දියා බළධරයින්ම පිළිගනී.ගුරුවරුන්ගේ හිගය,සම්පත් හිගය ආදී කරුණු බොහෝමයක්ද මෙවන් තත්ත්වයක් ඇතිවීමට හේතු බව ඔවුන් කියයි.

exam-cheating2-550x412 exam-cheating-550x301