කටාර් රාජ්‍යයේ එමීර්වරයා වන ෂෙයික් හමීඞ් බින් කලීෆා අල්තානි මහතා සිය බලතල පුතුට පැවරීමට තීරණය කර ඇත.
කටාර් එමීර්වරයා දෝහා අගනුවරදී එරට රජයේ උසස් නිලධාරින් පිරිසක් හමුවූ අවස්ථාවේදී මේ බව අනාවරණය කර ඇතැයි ප‍්‍රංශ සේවය වාර්තා කරයි.
තමන්ගේ බලතල උරුමක්කාරයකුට පැවැරීමේ සුදුසු කාලය දැන් එළැඹ ඇති බව ෂෙයික් හමීඞ් බින් කලීෆා අල්තානි එමීර්වරයා එම කටාර් බලධාරින් හමුවේ ප‍්‍රකාශ කර තිබේ.
තිස් තුන් වියේ පසුවන තම පුත් ෂෙයික් හමීම් මේ වන විට දේශපාලන කටයුතු පිළිබඳ නිපුණත්වයේ පසුවන අයකු බවත් එම පුළුල් දැනුම මෙම බලතල බාර ගැනීමට සුදුසුකම් වී ඇතැයි ද කටාර් එමීර්වරයා ප‍්‍රකාශ කර ඇත.
1995 දී කටාරයේ බලයට පත් එමීර් ෂෙයික් හමීඞ් බින් කලීෆා අල්තානි මහතා අන්තර්ජාතික වශයෙන් සියලූම රටවල් හා එක්ව දේශපාලන සහයෝගිතාවය පවත්වාගෙන ලෝක නායකයකු ලෙස පැසසුමට ලක්ව සිටී.
ඒ අනුව නව කටාර් එමීර්වරයා ලෙස ෂෙයික් තමීම් මහතා අද හෙට පත්වනු ඇතැයි ද වාර්තා වේ.