ඉතා දුර්ලභ මෙන්ම මිල අධික ආහාර ලබාදෙන්නේයැයි කටමැත දොඩමින් සිටි අවන්හලකින් ආහාර සදහා පිළියෙල කර තිබූ කොටි මස් හා දිවි මස් තොගයක් සොයාගැනීමට රුසියාවේ මොස්කව් නුවර පොලිසිය පසුගියදා සමත් විය.

කොටියන් හා දිවියන් අන්තරායට ලක්ව තිබෙන සත්ත්ව විශේෂයන් යැයි එරට නම් කෙරී තිබෙන අතර එම සතුන්ව මරා දැමීම බරපතල දඩුවම් ලැබිය හැකි වරදකි.

මෙම සතුන්ගේ මස් අනුභව කිරීමෙන් ජීවිතයේ දෛනික කටයුතු වල යෙදීමට අමතර ශක්තියක් ලබාගත හැකියැයි ඇතැම් රුසියා ජාතිකයින් අතර විශ්වාසයක් පවතින බව සඳහන්ය.

අවන්හලට පැමිණ ඇත්තේ ඉතාම ධනවත් පුද්ගලයින් බව මූලික පරීක්ෂණ වලින් අනාවරණය කර ගැනීමට පොලිසියට හැකිව ඇත.

අවන්හලේ හිමිකරු ලෙස සැළකෙන වියට්නාම ජාතිකයකු අත්අඩංගුවට ගෙන තිබේ.

කොටියන් හා දිවියන් මසට මරා දැමිමට අමතරව එම සතුන්ගේ සිරුරු කොටස් විවිධ ඖෂධ නිපදවීම සදහා ආසියාතික රටවලට අපනයන කර ඇතැයි හෙළිව තිබෙන හෝඩුවාවකට අනුව ඒ සම්බන්ධයෙන්ද පොලිස් පරීක්ෂණ කි‍්‍රයාත්මකය.

 

25525C5E00000578-2940058-image-a-11_1423079659822 25525C6800000578-2940058-image-a-9_1423079467359-(1) 25525C7000000578-2940058-image-m-6_1423079425717