කොංගෝ රාජ්‍යයේ උතුරු ප්‍රදේශයේ ගංගාවක ගමන්ගත් බෝට්ටුවක් පෙරලීමෙන් 50ක් පමණ මියගොස් ඇතැයි වාර්තා වේ. බෝට්ටුවේ සියයකට අධික පිරිසක් ගමන් කර ඇති බවත් එයින් 50කගේ පමණ ජීවිත බේරා ගත් බවත් පොලිසිය පවසයි. යාත්‍රාව මොන්කොටො සිට මබැන්ඩකා දක්වා ගමන් කරමින් තිබී ඇත.
 
කොංගෝ රාජ්‍යයේ ජලමාර්ග දිගේ ගමනාගමනය ප්‍රචලිතව ඇතත් මෙම බෝට්ටුව නීති විරෝධී ලෙස රාත්‍රී කාලයේදී මගීන් ප්‍රවාහණය කර ඇති බව ප්‍රදේශයේ ආණ්ඩුකාරවරයා පවසයි. 
 
බෝට්ටුව ආලෝකයෙන් තොරව ගමන් කර ඇති බවද මූලික පරීක්ෂණ වලින් හෙළිවී ඇත. කෙසේ වුවද පොලිසිය පවසන්නේ බෝට්ටුව පෙරලීමට හේතුව තවමත් අණාවරනය වී නොමැති බවයි.
 
මබැන්ඩකා ප්‍රදේශයේ මාරාන්තික ඉබෝලා වෛරසය ද දරුණු ලෙස පැතිරෙන අතර ජල මාර්ග ගමනාගමනය ඔස්සේ රෝගය කින්ශාසා අගනුවරට ද පැතිරීමේ අවදානමක් ඇතැයි බලධාරීහු අනතුරු අඟවා ඇත.
 
(බීබිසී ඇසුරිණි - 085)