නෙල්සන් මැන්ඩෙලාගේ අවමගුල් උත්සවය අතරතුරදී ඇමරිකන් ජනපති බැරක් ඔබාමා හා බ්‍රිතාන්‍ය අගමැති ඩේවිඩ් කැමරන් හැසිරුණු ආකාරය මාධ්‍ය අවධානය දිනා ගැනීමට සමත් විය.

ප්‍රෙක්ෂකාගාරයේ සිටිනාතුර තම තමන්ගේ ඡායාරූප  ගැනීමට කටයුතු කළ ආකාරයත් සතුටු සාමිච්චියේ යෙදී සිටි ආකාරයත් දැක ගත හැකි වුණි.

මේ දෙන්නා ඩෙන්මාර්ක අගමැතිනී හෙල්ලේ තෝර්නින්ග් ෂ්මිඩ්ට් සමග ඡායාරූපයකට පෙනී සිටියහ. බරක් ඔබාමාට පසෙකින් සිටි ඔහුගේ බිරිද මිෂෙල් ඔබාමා ඒ දැක මුහුණ නරක්කරගෙන සිටිනු  දැක ගත හැකි විය.

ප්‍රේක්ෂකාගාරයේ රැස්ව සිටි අති බහුතරයකට සංවේදී අවස්ථාවක් වූ මෙහිදී ලෝක ප්‍රබලයන් හැසිරුණු ආකාරය මේ වන විට දැඩි සේ විවේචනයට ලක් වී තිබේ.

ඇමරිකා ජනපති බැරක් ඔබාමා අවමංගල්‍ය උත්සවයට සහභාගී වූයේද පැයක් ප්‍රමාදවය. නමුත් ඔහු  සාදරයෙන් පිළිගැනීමට රැස්ව සිටි සියල්ලෝම කටයුතු කළහ.

නෙල්සන් මැන්ඩෙලා සම්බන්ධයෙන් ඔහු කළ කතාවද සියලූදෙනාගේ අවධානය දිනා ගැනීමට සමත් විය.