එබෝලා ලෝකයට තර්ජනයක් වනු ඇතැයි ලෝක සෞඛ්‍ය සංවිධානය පවසයි. බටහිර අප්‍රිකානු රටවල් හතරකින් දැනට එබෝලා රෝගීන් 1800ක් වාර්තා වී ඇති අතර ඉන් 961ක් මරණයට පත්වූහ. මියගිය අය අතර වෛද්‍යවරු ඇතුළු සෞඛ්‍ය කාර්ය මණ්ලඩයේ 80ක් සිටිති.

ලෝක සෞඛ්‍ය සංවිධානය පවසන්නේ එබෝලා පැතිරීම පාලනය කළ නොහැකි බවයි. පසුගිය දින දෙකේ දී 29 දෙනෙක් මේ රෝගයෙන් මියගිය බවත් එම සංවිධානය පවසයි. ලෝක සෞඛ්‍ය සංවිධානය මහජන සෞඛ්‍ය පිලිබඳ හදිසි තත්ත්වයක් ද ප්‍රකාශයට පත්කැර ඇත.

එම සංවිධානයට අනුව පසුගිය සඳුදා සිට බදාදා දක්වා 68 දෙනෙක් මේ රෝගයට ගොදුරුවූහ. ඉන් මියගිය සංඛ්‍යාව 29කි. වැඩිම රෝගින් ප්‍රමාණයක් වාර්තා වී ඇත්තේ ලයිබීරියාවෙනි.

මේ රෝගය මැඩපැවැත්වීමට අවශ්‍ය සහයෝගය ලබාදෙන ලෙස ලෝක සෞඛ්‍ය සංවිධානය ජාත්‍යන්තරයෙන් ඉල්ලා සිටියි. බ්‍රිතාන්‍යය ද මේ රෝගය මර්ධනයට දෙනු ලබන ආධාර ප්‍රමාණය පවුම් මිලියන 2-5 දක්වා වැඩිකැර ඇත.

සෑම රාජ්‍ය නායකයෙක් ම වහාම මේ සම්බන්ධයෙන් හදිසි තත්වය ප්‍රකාශයට පත්කළ යුතුව ඇතැයි ලෝක සෞඛ්‍ය සංවිධානය කියයි.

මෙම රෝගයට ප්‍රතිකාර නොමැති බව ලෝක සෞඛ්‍ය සංවිධානය පවසයි. එසේ වුව ද පසුගිය දා රෝගය වැළඳුණු ඇමෙරිකා ජාතික වෛද්‍යවරු දෙදෙනකුට තවමත් පරීක්ෂණ මට්ටමේ පවතින එන්නතක් ලබාදීමෙන් ඔවුන් දෙදෙනා ම සුව වූහ. නොමැත.

රෝගය බෝවන්නේ රුධිරය හෝ එම රෝගින්ගේ  ශරීරවලින් නිකුත්වන වෙනත් ශ්‍රාවයන් ගැටීම මගිනි. එබෝලා රෝගය 1976 දි සොයා ගැණිනි.WHO 1 WHO 2 WHO 3 WHO 4 WHO 5