ඊජිප්තුවේ හටගෙන ඇති දේශපාලන අර්බුදය නිමා කිරීමේ අරමුණින් එරට නව ජනපති මොහොමඞ් මොර්සි සහ එරට හමුදා පාලක මණ්ඩලයේ නායක හොසාම් අල් ගෙරියානී අතර විශේෂ හමුවක් ඊයේ (12) පැවැත්විණි. ඊජිප්තුවේ දේශපාලන අර්බුදයක් හටගත්තේ පසුගියදා පැවැති ජනපතිවරණයෙන් මුස්ලිම් සහෝදරත්වය පක්ෂ නායක මොහොමඞ් මොර්සි ජයග‍්‍රහණය කර නව රජයක් පිහිටුවීමට උත්සාහ කළ අවස්ථාවේදීය. ජනපති මොර්සිගේ නව පාර්ලිමේන්තුවක් පත් කිරීමේ ක‍්‍රමවේදයට විරෝධය පළ කරමින් හමුදා පාලක මණ්ඩලය අධිකරණයට හමුවට ගියේය. හමුදා පාලක මණ්ඩලට පක්ෂව අධිකරණය තීන්දු කළේ පාර්ලිමේන්තුව පත් කිරීමේ ක‍්‍රමවේදයට නීති විරෝධී කියාය. එහිදී නව පාර්ලිමේන්තුව විසුරුවා හැරීමට ද නියෝග කෙරුණි. එවිට නව ජනපති ලෙස මොර්සි ඔහුගේ බලතළ පාවිච්චි කරමින් ජනපති ආඥාවක් මගින් පාර්ලිමේන්තුව යළි කැඳැවීය. එම ජනාධිපති ආඥාව ශ්‍රේෂ්ඨාධිකරණය මගින් බල රහිත කර නැවතත් පාර්ලිමේන්තුව විසුරුවා හැරීමට නියෝග කෙරුණි. ජනපතිවරයා හමුදා පාලක මණ්ඩලයේ ප‍්‍රධානියා හමුවී සාකච්ඡා කිරීමට තීරණය කළේ ඉන් පසුවය. ජනපති මොර්සි (දකුණේ) සහ හමුදා පාලක මණ්ඩලයේ නායක හොසාම් අල් ගෙරියානී