දේශසීමා හරහා ඇෆ්ගනිස්තානයට ෂෙල් වෙඩි ප‍්‍රහාර එල්ල කිරීමෙන් වළකින්නැයි ඇෆ්ගන් රජය පාකිස්තාන රජයට ඊයේ (23) අනතුරු ඇඟවීමක් කළේය. ඇෆ්ගන් රජය එම අනතුරු ඇඟවීම කළේ පාකිස්තාන හමුදා එල්ල කළ ෂෙල් වෙඩි ප‍්‍රහාරයකින් ඇෆ්ගන් සිවිල් වැසියන් පස් දෙනකු පෙරේදා (22) ඝාතනය වීම හේතුවෙනි. ඇෆ්ගන් රජය පවසන්නේ ඉකුත් සිකුරාදා (20) සහ සෙනසුරාදා (21) බර අවි යොදා ගෙන පාකිස්තාන හමුදා  ඇෆ්ගනිස්තානයේ නැගෙනහිර කුනාර් ප‍්‍රාන්තයේ ඩන්ගම් දිස්ති‍්‍රක්කයට පහර දුන් බව.පසුගිය මාසයේ ද පාකිස්තාන හමුදා එල්ල කළ ෂෙල් වෙඩි ප‍්‍රහාර හේතුවෙන් කුනාර් ප‍්‍රාන්තයේ ගම්මාන කිහිපයක වැසියන්ට ගම්බිම් අතහැර යෑමට සිදුවිය. දේශසීමා ප‍්‍රහාර සම්බන්ධයෙන් ඇෆ්ගන් නියෝජ්‍ය විදේශ ඇමැති ජාවඞ් ලූඩින් පාකිස්තානයේ කාබුල් අගනුවර සිටින පාකිස්තාන තානාපතිවරයා කැඳවා එම ප‍්‍රහාර සම්බන්ධයෙන් සාකච්ඡා පැවැත්වීය.