IMG-LOGO

2025 නොවැම්බර් මස 30 වන ඉරිදා


ඇමෙරිකාවේ නගර 17ක 1,400ක් පොලිස් අත්අඩංගුවට

සුදු ජාතික පොලිස් නිලධාරීන්ගේ අඩතේට්ටම්වලට ලක්ව මියගිය කළු ජාතික තරුණයකු වන ජෝර්ජ් ෆ්ලොයිඩ්ගේ මරණයත් සමඟ ආරම්භ වූ විරෝධතා මේ වනවිට ඇමෙරිකාවේ නගර 50කට වැඩි ගණනකට පැතිර ගොස් ඇත.

අඛණ්ඩව පස්වැනි දිනටත් ඇමෙරිකානු වැසියෝ සෙනසුරාදා දිනයේදී වීදි බැසි විරෝධතාවල නිරත වූ අතර විරෝධතා උත්සන්න වී ඇත. විරෝධතාවලට එක්වුණු නගර 17ක 1,400කට වැඩි පිරිසක් මේ වනවිට පොලිස් අත්අඩංගුවට පත්ව ඇතැයි විදෙස් මාධ්‍ය වාර්තා කරයි.

බ්‍රහස්පතින්දා සිට 1,383කු අත්අඩංගුවට පත්ව ඇතැයි ද පොලිස් අත්අඩංගුවට පත්ව ඇති සත්‍ය ගණන මීට වඩා ඉහළ යැයි ද එම මාධ්‍ය වාර්තාවල දැක්විණි.

පොලිසියේ කෲරත්වය සහ ප්‍රචණ්ඩත්වය විශේෂයෙන්ම කළු ජාතිකයන් ඉලක්ක කර ගනිමින් සිදුවන ප්‍රචණ්ඩ ක්‍රියාවලට එරෙහිව ඇමෙරිකාවේ නගර රැසක මෙම විරෝධතා පැවැත්වෙයි.

නගර රැසකට මේ වනවිට ජාතික ආරක්ෂක බළකාය කැඳවා ඇත. පොලිසිය සහ විරෝධතාකරුවන් අතර ගැටුම් උත්සන්න වී තිබෙන ගොඩනැගිලි, වාහන යනාදිය හානි සිදු වී ඇත. විරෝධතාකරුවන් පාලනය කිරීම සඳහා නගර රැසක් ඇඳිරි නීතිය පැනවූව ද විරෝධතාකරුවන් පාලනය වී නැතැයි විදෙස් මාධ්‍ය වාර්තා කරයි.

කළු ජාතික තරුණයකු වූ ජෝර්ජ් ෆ්ලොයිඩ්ගේ මරණයට සම්බන්ධ පොලිස් නිලධාරීන් සිවුදෙනාට එරෙහිව ක්‍රියාමාර්ග ගන්නා බව මිනසෝටා ප්‍රාන්තයේ මිනැයිපොලිස්, පොලිසිය ප්‍රාන්ත වැසියන්ට මෙන්ම ඇමෙරිකානුවන්ට පොරොන්දුවක් ද දී ඇත. සුදු ජාතික පොලිස් නිලධාරියකු ජෝර්ජ් ෆ්ලොයිඩ්ගේ බෙල්ලට දණ හිස තබා ඔහු පාලනය කිරීමට අවස්ථාවේදී ෆ්ලොයිඩ් මරණයට පත්විය.
ජෝජ් ෆොයිඞ් නමැති කළු ජාතිකයාගේ මරණය සම්බන්ධයෙන්, සුදු ජාතික පොලිස් නිලධාරී, ඩෙරික් චුවෑන්ට මිනීමැරුම් චෝදනා එල්ල වී ඇතැයි ඇමෙරිකානු මාධ්‍ය වාර්තා කළේය. අනෙක් නිලධාරීන්ට කිසිදු චෝදනාවක් එල්ල වී ඇතැයි ද වාර්තා විය.
හමුදා පොලිසිය සීරුවෙන් තබන්නැයි ද ඇමෙරිකානු ජනාධිපති ඩොනල්ඩ් ට්‍රම්ප් එරට ආරක්ෂක දෙපාර්තමේන්තුව වන පෙන්ටගනයට උපදෙස් දී ඇති අතර තත්ත්වය පාලනය කිරීම සඳහා මිනසෝටා ප්‍රාන්තයට හමුදා පොලිසිය යොදාවන බව ද හෙතෙම පවසා ඇත.
 
 
අල්ජසීරා/ද නිව්යෝක් ටයිම්ස්
 
ඡායාරූප - ‘ද නිව්යෝක් ටයිම්ස්’

055




 



අදහස් (2)

ඇමෙරිකාවේ නගර 17ක 1,400ක් පොලිස් අත්අඩංගුවට

theshan Sunday, 31 May 2020 08:59 AM

කෝ දැන් මහ ලොකු මානව හිමිකම් සංවිධාන?

:       1       1

JayaSunday, 31 May 2020 02:54 PM

ඒවා අපි වගේ පොඩි රටවල්වලට විතරයි මල්ලි...

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 222 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 278 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1185 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site