1925 වසරේදී උසස් පාසලකට ඇතුළත් වී 2013 වසරේදී ඩිප්ලෝමාව ලබා ගැනීමට සමත්වූ කාන්තාවක ගැන වාර්තා වන්නේ ඇමරිකාවේ මවුන්ට් වර්නන් ප‍්‍රදේශයෙනි.

රෙබා විලියම්ස් 1925 වසරේ මවුන්ට් වර්නන් උසස් පාසැලේ දීප්තිමත් ශිෂ්‍යාවක වූවාය.වසරින් වසර ගෙවී අවසානයේ පැමිණියේ පාසැලින් නික්ම යාමට කාලයයි.අවසන් වසර සිසුන් සදහා නිබන්ධනයක් සැකැසිය යුතු වූ අතර ඒ සදහා භාවිතා කළ යුතු වූ පොත් පත්ද ගුරුවරුන් විසින් නිර්දේශ කරන ලදී.නමුත් රෙබා එම පොත්පත් පරිශීලනය කිරීම තම ගුරුවරුන් ඉදිරියේම ප‍්‍රතික්ෂේප කළාය.ඒ තමන්
එම පොත්පත් මිීට කලින් කියවා ඇති බවත් ඒවායේ අන්තර්ගතයට අකැමැති බවත් කීවාය .රෙබාගේ හැසිරීම අනුමත නොකළ පාසැලේ පාලනාධිකාරිය ඇයට පාසල් සමය අවසානයේ පිරිනැමෙන ඩිප්ලෝමා සහතිකය ලබා නොදීමට තීරණය කළේ අනතුරුවය.

කිසිත් ගණන් නොගෙන රෙබා උසස් පාසල් දිවියට ආයුබෝවන් කියා සැබෑ දිවිය ජය ගැනීමට වෙහෙස වීම ඇරඹිීය.වසරින් වසර ගෙවී ගොස් පැමිණියේ 2013 වසරයි.රෙබා දැන් 106 වියැතිය. ප‍්‍රදේශයේ වයස්ගතම පුද්ගලයින් ගැන සමිීක්ෂණයක් කිරීමට පැමිණි පුද්ගලයින් කණ්ඩායමකට රෙබා හමුවීමට අවස්ථාව සැළැසෙන්නේ මේ කාලයේදීය.ඇයගේ තොරතුරු විමසන විට රෙබා තමන්ට 1925
වසරේදී වූ අකරතැබ්බයද මේ පිරිස හමුවේ පවසා තිබේ.සමිීක්ෂකයන් කණ්ඩායම මවුන්ට් වර්නන් උසස් පාසැලට ගොස් කළ කරුණු දැක්වීමකින් පසුව පාසලේ පාලනාධිකාරිය රෙබාට ඩිප්ලෝමා සහතිකය පිරිනැමිීමට කටයුතු කර ඇත.ඒ වසර 88 කට පසුවය.

‘‘මට හරිම සන්තෝෂයි.මම පැවැසුවා මට වුණු දේ.ඔවුන් මට සිදුකළ දෙය වැරදියි.වසර ගණනක් ගෙවී හෝ ඔවුන් වරද නිවැරදි කරගෙන තිබෙනවා.මට ආරංචි වුණු හැටියට 1925 වසරේ මට ඩිප්ලෝමාව ලබා දීමට විරුද්ධ වුණු ගුරුවරයෙකුත් දැන් පාසැලේ පාලනාධිකාරයේ ඉන්නවා.කොහොම හරි මම දිනුවා පවසන්නී රෙබාය.

අවසානයේ රෙබා වැදගත් කරුණක්ද කතාවට එක් කළාය.‘‘ඩිප්ලෝමාවක්,උපාධියක් තිබුණට වැඩක් නැහැ.එයින් උගත් දේ පාවිච්චි කරන්නේ නැත්නම්.මම නම් ඩිප්ලෝමාව ලැබුණද නැතිද කියා වදවෙවී සිටියේ නැහැ.දිගටම ඉගෙන ගත්තා.තවමත් ඉගෙන ගන්නවා’’.

කෝ.වි